- - - - - - - - - - -
اسعار الدواجن اليوم الأربعاء 19 يونيو 2019
النوع السعر
سعر الابيض 25
سعر الساسو 34
الكتكوت الأبيض(أهالي) 4.8 - 9.25
الكتكوت الساسو 3.5 - 4
أسعار شركات الكتكوت الأبيض يوم الأربعاء 19 يونيو 2019
بورصة بيض الدواجن يوم الأربعاء 19 يونيو 2019
حمل التطبيق الجديد لبورصة الدواجن على الموبيل وتمتع بخدمة الاسعار المجانية

أخبار الموقع

أمراض الدواجن التنفسية ميكوبلازما الدواجن (mycoplasmosis)


يعتبر ميكروب الميكوبلازما من أخطر الميكروبات التنفسية التي تصيب الدجاج  , وذلك لأن هذا الميكروب ليس من البكتيريا أو الفيروس ولكنه يجمع خصائص من كلاهما , حيث انه لايحاط بجدار خلوي مثل البكتيريا ولذلك فان المضادات الحيوية التي تقضي على البكتيريا بتدمير الجدار الخلوي مثل البنيسيللين والسيفالوسبورين لا تؤثر علي ميكروب الميكوبلازما ويعتبر من أهم الأمراض الاقتصادية التي تصيب الدواجن وتحدث خسائر فادحة في القطيع ويسببه ميكروب ميكوبلازما جاليسبتيكم mycoplasma gallisepticum ويعرف المرض باسماء اخري زي المرض التنفسي المزمن   chronic respiratory disease او التهاب الأكياس الهوائية  inflammation of air sacs

و ينتقل الميكروب بصورة أفقية من الطيور المصابة الي الطيور السليمة ويعتبر المصدر الرئيسي للعدوي او عن طريق الاحتكاك المباشر أو عن طريق الجهاز التنفسي من خلال الافرازات الأنفية و ينتقل الميكروب بصورة رأسية من الأمهات الي الكتاكيت و ينتقل ايضا عن طريق الأدوات أو العلف الملوثين وفترة حضانة المرض وهي الفترة الزمنية من بداية دخول الميكروب للجسم الي لحظة ظهور أعراض مرضية على الطائر وتكون من  6 الي 22 يوم ويتميز المرض بمنحني سير بطئ في صورة مرض تنفسي مزمن حيث يتكاثر الميكروب بمعدل بطئ داخل جسم الطائر.

وتكمن خطورة الاصابة بالميكوبلازما في انها تسبب عدم اقبال الطائر علي العلف مما يسبب نقص في الأوزان ومعامل التحويل الغذائي وتسبب حدوث خسائر اقتصادية شديدة لأن المرض يؤثر علي الجهاز التنفسي للطائر فيكون الطائر في حالة اجهاد مستمر ويعطي الفرصة للاصابة بجراثيم اخري سواء كانت فيروسية مثل الأي بي , الانفلوانزا , أي ال  تي . أو بكتيرية مثل  الايكولاي بالاضافة الي امكانية انتقال الميكروب من الأمهات المصابة الي الكتاكيت فيصاحب الميكروب الكتاكيت من اللحظة الأولي أما في الدجاج البياض تسبب خفض في الأنتاج بمعدل 10 - 20%.

اما الأعراض الظاهرية للمرض فتبدأ الأعراض في الظهور في دجاج التسمين عند عمر 3 الي 6 أسابيع أما في الدجاج البياض تبدأ الأصابة عند عمر 5 الي 7  أشهر أي في بداية فترة انتاج البيض و تكون معظم الأعراض تنفسية وتكون في صورة  افرازات من الجيوب الأنفية و صوت خنفرة أو شحر وضيق في التنفس وعطس و مد رأس الطائر الي الأمام وفتح فمه وتجمع الطيور في منطقة دافئة وافرازات مائية في العين والانف والتهاب في جفن العين ووجود  تورم في عين واحدة او في كلتا العينين نتيجة تجمع الافرازات في الجيوب الجبهية وفي الحالات الشديدة تكون العين مقفولة وفي حالة حدوث اصابة ثانوية مثل النيوكاسل او الاي بي أو الايكولاي يكون المرض أكثر خطورة ويرتفع معدل النافق في القطيع.




وعند تشريح الفراخ النافقة نجد التهاب في الجيوب الأنفية والجبهية وخروج افرازات مائية عند الضغط عليها و التهاب في جفون العين وامتلائها برغاوي مائية ووجود افرازات بها فيبرين في القصبة الهوائية و التهاب الأكياس الهوائية و في حالة الاصابة بعدوي ثانوية مثل الايكولاي نلاحظ وجود عتامة وافرازات مخاطية في الأكياس الهوائية وايضا وجود غشاء أبيض حول القلب والكبد و من خلال الأعراض الظاهرية والصفة التشريحية يجب تمييز المرض عن الأمراض الأخري التي تسبب أعراض تنفسية مشابهة مثل  مرض الانفلوانزا ويسببه فيروس الانفلوانزا avian influenza و مرض الكوريزا المعدي infectios coryza و مرض الكوليرا ويسببه بكتيريا باستيريلا Pasteurellosis و التهاب القصبة المعدي و مرض النيوكاسل Newcastle disease

ومن العوامل المساعدة علي حدوث المرض وسرعة انتشاره  تزاحم الطيور وقلة التهوئة في العنبر و بلل الفرشه وزيادة نسبة الأمونيا في العنبر حيث تقوم الامونيا بتدمير الشعيرات الموجودة في الممر التنفسي للطائر التي تحجب معظم الجراثيم وتقضي عليها فيكزن الجهاز التنفسي عرضة للاصابة وايضا انخفاض درجة الحرارة والتعرض للتيارات الهوائية الشديدة وخاصة في فصل الشتاء ولعلاج الميكوبلازما الاول لازم نعرف ان ميكروب الميكوبلازما ليس له جدار خلوي كما يوجد في البكتيريا لذلك فان المضادات الحيوية مثل البينيسللين penicillin والسيفالوسبورين cephalosporin  لاتؤثر علي الميكوبلازما ولكن يمكن استخدام مضادات حيوية أخري ذات تأثير فعال ويفضل الحقن حتي يعطي نتيجة جيدة  زي ستربتومايسين streptomycin حقن او تيلميكوزين Tilmicosin  او تيلوزين Tylosin tartarate  او لينكوسبيكتين (لينكومايسين+سبكتينومايسين) خاصة شركة فايزر بيكون فعال جدا بالحقن او كلورتتراسيكلين chlortetracycline او  سبيرامايسن spiramycin او  دوكسي سايكلين doxycycline



هناك 15 تعليقًا:

  1. انا عندى حالات زى كدة عمر 29 يوم ابيض و بستخدم فيتامين ه+سيلينيوم و فيتامين أ د3 ه و موسع شعب لمدة 12 ساعة وكمان اتونور 30 لمدة 12 ساعة كدة انا شغال صح ولا أيه؟
    ارجو الافادة و التوجيه

    ردحذف
  2. السلام عليكم
    الكتاكيت عندى عمر ٣ايام وتنفق سريعا وعندهم زى افرازات م الانف وبتفتح فمها دايما

    ردحذف
  3. انا عندة بط بلدى بياكل بعضه ياترى ايه السبب وايه العلاج العمر تقريبا 3شهور

    ردحذف
    الردود
    1. حضرتك المشكلة دي ليها اسباب كتير منها ان عدد الطيور بيبقي كتير والمكان ضيق عليهم او الاضاءة بتبقي شديدة عليهم طول اليوم او كمية الاكل مش بتكفيهم والعلف مش موفر كل احتياجتهم او بيعطشو لفترة كبيرة او عدد الذكور كبير بالنسبة للاناث
      العلاج اول حاجة هتقص الجزء البارز من منقارهم اللي فوق بمقص وتديهم فيتامين ك فالميه بعد القص علي طول ولو فيه بط متعور تعزله فمكان لوحده وتطهر الجروح دي بماسة زارقة لان الدم بيزود مشكلة الافتراس عندهم وفيه مجموعة احماض امينية وفيتامينات بياخدوها زي الاوميجران مثلا تديهم منها 5 ايام وتزود كمية العلف ليهم ويكون فيه بروتين كويس والمكان يبقي ضلمة عليهم من المغرب للصبح
      وان شاء الله هنزل موضوع بالتفصيل عن مشكلة الافتراس دي

      حذف
  4. عندي كتاكيت تورم العينين ودخوع وعدم القدرة عن المشي وتدني الأجنحة وخمول ممايؤدي إلى الموت وهو معدي ممكن علاج

    ردحذف
    الردود
    1. حضرتك كتاكيت عمرهم كام يوم والاوزان ايه وبياكلو علف ايه وعددهم كام؟

      حذف
  5. انا عندي مشكلة mycoplasmosis بس في ديوك رومي همة 15 عمرهم شهر تقريبا في اوضة صغيرة بس واسعة عليهم وحاطين لهم لمبة صفراء... ظهرت في واحد الاول وعالجته بقطرة مضادة للالتهابات وجابت نتيجة شوية بس ما خفش ودلوقتي ظهرت علي اربعة تانيين ... مشكلتي اني مش عارف الاقي tylosin وكنت بسال ايه اكتر دواء منتشر في مصر ممكن الاقيه بسهولة للحالة دي غير tylosin

    ردحذف
    الردود
    1. حضرتك فيه تيدوفيت موجود فأي عيادة او دوكسي
      اديهم لمدة ٥ ايام وظبط التهوية ليهم

      حذف
  6. حضرتك انا عندى دواجن تسمين المشكله ان انالفرخبيبدا مفاصله تحمر ويعجز والسموم عاليهوبيكش ويموت فالدكتور قالي انها ميكوبالزما واحقن 1/2سنتي سيفوتاكس وجارميسين بشري هل ده صح وارجو الرد بسرعه لو سمحت

    ردحذف
    الردود
    1. حضرتك اديهم العلاج زي مالدكتور قالك لانه هو اللي شاف الحالة
      ولو الفرشة تحتهم مبلولة شيلها وحط ليهم نشارة خشب تحتهم بس متكونش خشنة
      واديهم جرعة مضاد سموم لمدة يومين مع علاج المايكوبلازما اللي الدكتور قالك عليه

      حذف
  7. عندى الفراخ البراز بتاعها تقريبا فى دم?

    ردحذف
    الردود
    1. حضرتك اديهم كوكسي كيور يومين وريح يوم وبعدين ادي يومين كمان

      حذف
  8. حضرتك عندي دجاج تسمين للأسف فضلو اتأخرت في بيعهم عمر40 يوم عدد150 غالبيتهم عينهم اتقفلت ودماغهم وارمة فضلا انصحني أفادكم الله

    ردحذف
  9. العلاج بيتحط لمده قد ايه قدام الفراخ ؟؟

    ردحذف
    الردود
    1. حسب نوع الدوا والجرعه الدكتور بيقسم العلاج هياخد كام سقوه او كام يوم لكن مفيش حاجه ثابته

      حذف

يشرفنا مشاركة تعليقك علي الموضوع