- - - - - - - - -
بورصة الدواجن اليوم السبت 24 يونيو 2017
النوع السعر
سعر الابيض 25
سعر الساسو 27
الكتكوت الأبيض(أهالي) 2 - 5
الكتكوت الساسو 2.25 - 3.5
اضغط هنا لمعرفة سعر الكتكوت الأبيض(شركات) لبورصة الدواجن يوم السبت 24 يونيو 2017
اضغط هنا لمعرفة أسعار بيض الدواجن يوم السبت 24 يونيو 2017


أخبار الموقع

كيفية تشخيص أمراض الدواجن (الموضوع الأول)



ان شاء الله هنتكلم انهاردة عن موضوع مهم يخص الدواجن وهو كيفية تشخيص أمراض الدواجن , وتعتبر خطوة التشخيص خطوة مهمة جدا لأن التشخيص السليم يترتب عليه اختيار العلاج الصحيح  والفعال مما يوفر في الوقت والجهد والمال وبذلك نحافظ عل الثروة الداجنة والحد من انتشار الامراض المعدية عن طريق العلاج الصحيح من خلال التشخيص السليم للأمراض , فنتجنب بذلك مشكلة اسعار الدواجن كما نتابع علي بورصة الدواجن المصرية و يعتمد البعض في تشخيصه لأمراض الدواجن على الأعراض الظاهرية فقط  التي يلاحظها علي الفراخ او يسمعها من صاحب المزرعة فيتسرع في التشخيص وممكن أن يكون تشخيصه خاطئ وذلك بسبب ان الامراض في الدواجن معظمها تتشابه في الأعراض الظاهرية وتتداخل مع بعضها ممايسبب الخطأ في التشخيص و لذلك يجب الاعتماد علي التشخيص المعملي الدقيق لأنه يبين السبب الأساسي للمرض بشكل واضح , ولأن الاختبارات المعملية تكون مكلفة وعدد المعامل ليس بالكثير في مصر فيتم هذا الاجراء في المزارع الكبيرة فقط او بصورة كبيرة فيها دون غيرها , فان الطريقة السهلة والمتاحة للمعظم هي تشخيص أمراض الدواجن بناءا علي الاعراض التشريحية التي تظهر علي الفراخ النافقة.

ويجب أن يتم تشريح اكثر من فرخة واحدة لانه لايلزم ان يكون المرض وكل أعراضه في نفس الفرخة النافقة, ويجب ان يتم التشريح بعد موت الفراخ أو الكتاكيت بفترة قصيرة حتي لاتختفي الاعراض التشريحية من الفرخة و ان شاء الله هنزل فيديوهات تشريح فراخ علي قناتنا بورصة الدواجن اليوم في مصر في اليوتيوب حتي تعم الفائدة ويستفيد الجميع وسوف نتناول في هذا الموضوع الأعراض التشريحية التي تظهر علي كل عضو في جسم الفرخة والأمراض التي تسببها سواء كان بالفحص الداخلي أو الفحص الخارجي للفرخة وهنبدأ الاول  بالفحص الخارجي ويشمل العرف والدلايات comb,wattles فلو لقينا بهتان في العرف والدلايات يبقي فيروس أنيميا الدجاج المعدية او الليوكوزس او بكتيريا السل او الاصابة الشديدة بالديدان او نقص غذائي ولو لقيت احتقان وزرقان يبقي فيروس  انفلوانزا الطيور  او النيوكاسل او بكتيريا كوليرا الطيور ولو لقيت العرف أحمر أو روز فاتح يبقي التسمم بالسيانيد أو غاز أول أكسيد الكربون ولو لقيت تورم وتجمع مائي في العرف يبقي فيروس  انفلوانزا الطيور او  بكتيريا كوليرا الطيور او فطريات  زي التسمم بالفيوسيريام ولو لقيت دمامل أو قشور جافة يبقي فيروس  جدري الطيور اما لو لقيت نقط بيضاء أو رمادية مستديرة الشكل  زي رواسب كالدقيق أو الردة يبقي فطريات زي مرض القراع ويسببه فطر التريكوفيتون ولو لقيت ورم مائي في الدلايات يبقي فيروس  انفلوانزا الطيور  او بكتيريا  كوليرا الطيور او نقص غذائي زي نقص في فيتامين ه



بعد كده نيجي للعين لو لقينا التهاب في الملتحمة المبطنة لجفن العين يبقي فيروس  أي بي او أي ال تي او نيوكاسل او انفلوانزا الطيور او بكتيريا  الميكوبلازما او  الكوريزا المعدية او كوليرا الطيور ولو لقيت مواد متجبنة في العين يبقي  الشكل الرطب من جدري الطيور ولو لقيت افرازات مائية من العين او دموع يبقي بكتيريا  بورديتيلا او الكوريزا ولو لقيت بقع بيضاء رمادية في قزحية العين بتعرف بعين السمكة او ضيق في فتحة العين فتصبح مثل الشق الصغير أو الدبوس وده بيسببه  فيروس الماريكس اما لو فيه التهاب شامل في كل طبقات العين يبقي بكتيريا  اي كولاي ولو لقيت عتامة في قرنية العين يبقي بكتيريا  السالمونيلا او  زيادة نسبة الأمونيا اما لو العتامة في عدسة العين يعني فيه ميه بيضة في العين يبقي فيروس  التهاب مخ الطيور المعدي ولو لقيت قشور جافة ودمامل في العين يبقي فيروس جدري الطيور ولو فيه قشور عل طرف جفون العين يجعلها تلتصق مع بعضها يبقي نقص غذائي في فيتامين ب 5 اي حمض البانتوثينيك اما لو لقيت نقط بيضاء أو رمادية مستديرة الشكل او رواسب كالدقيق أو الردة يبقي فطريات زي مرض القراع ويسببه فطر التريكوفيتون

بعد كدة نمسك الجيوب الانفية اللي موجودة تحت العين  لو لقيت التهاب وورم في الجيوب الأنفية وامتلاءها  بافرازات لزجة مثل الجيلي أو المواد المتجبنة يبقي فيروس أي بي او بكتيريا  الميكوبلازما او  الكوريزا او كوليرا الطيور او  البوردتيلا في الرومي ولو فيه أنزفة في الجيوب الانفية يبقي فيروس  انفلوانزا الطيور او النيوكاسل , بعد كدة الانف لو لقيت نزول افرازات من الأنف عند الضغط علي قاعدة المنقار يبقي فيروس  النيوكاسل او أي بي او بكتيريا الميكوبلازما او الكوريزا , بعد كدة المنقار لو لقيته سهل الكسر أو زي المطاط يبقي نقص غذائي في الكالسيوم والفوسفور و لو المنقار شبه منقار الببغاء يبقي نقص غذائي في المنجنيز والبيوتين ولو فيه قشور وأفات علي المنقار وتجويف الفم يبقي نقص غذائي في فيتامين ب 5 ويعرف بحمض البانتوثينيك و سوف نكمل ان شاء الله في الموضوع القادم .

هناك تعليقان (2):

  1. ماشاءالله ربنا يزيد كمان وكمان علم ونور ووقار

    ردحذف
    الردود
    1. ربنا يبارك فيك يااستاذ اسعد

      حذف

يشرفنا مشاركة تعليقك علي الموضوع