- - - - - - - - -
بورصة الدواجن اليوم الاثنين 27 مارس 2017
النوع السعر
سعر الابيض 25.5
سعر الساسو 33.5
الكتكوت الأبيض(أهالي) 7.3 - 9.8
الكتكوت الساسو 3.5 - 6
اضغط هنا لمعرفة سعر الكتكوت الأبيض(شركات) لبورصة الدواجن يوم الاثنين 27 مارس 2017
اضغط هنا لمعرفة أسعار بيض الدواجن يوم الاثنين 27 مارس 2017


أخبار الموقع

كيفية تشخيص أمراض الدواجن (الموضوع الثاني)


 زي ما تابعنا علي بورصة الدواجن اليوم في مصر  بدأنا في الموضوع اللي فات في كيفية التعرف علي الامراض التي تصيب كل عضو من خلال الاعراض التشريحية التي تظهر عند تشريح الفرخة او الطائر وبدانا في الفحص الخارجي للدواجن وان شاء الله هنكمل انهاردة فحص الفراخ من الخارج وهنبدأ بالجلد فلو لقيت تضخم وورم عند منبت الشعراوعند حويصلة الشعر يبقي فيروس الماريكس ولو لقيت أنزفة علي الجلد يبقي علي حسب مكان النزيف فلوالنزيف في كل الجلد يبقى انفلوانزا الطيور و لو النزيف تحت الجلد فوق وتحت الجناح يبقي فيروس انيميا الدجاج المعدي ويسمي بمرض الجناح الازرق و لو النزيف حول منبت الشعر يبقي فيروس الليكوزس ولو النزيف داخل الجناح وداخل الورك يبقي طفيليات زي القراض او البراغيث و لو فيه دمامل او قشرة ناشفة علي الجلد يبقي فيروس الجدري و لو الجلد معفن وبيبقي ناشف ولونه غامق اوي أو اسود يبقي بكتيريا الكولستيريديا و لو فيه ورم تحت جلد الرقبة والرأس ومليان مياه أو مواد متجبنة يبقي فيروس  انفلوانزا الطيور اوبكتيريا  ميكوبلازما ساينوفي ولو فيه احتقان في كل الجلد يبقي بكتيريا  اريسيبلس و لو فيه سائل تحت الجلد ومختلط بالدم يبقي نقص غذائي في فيتامين ه و لو فيه مناطق علي الجلد خالية من الشعر يبقي فيه براغيت و لو فيه تشققات وبروزات علي الجلد يبقي نقص غذائي في فيتامين ب 5 اي حمض البانتوثينيك 

بعد كدة الأرجل لو الرجل اصبحت سميكة او تخينة كأن الفرخة لابسة جزمة بوط في رجليها لحد الساق يبقي فيروس الليكوزس و لو الرجل تخينة وعليها قشور خارجية يبقي طفيليات scaly leg disease ولو فيه بقع نزفية علي الرجل عند منطقة الساق يبقي فيروس انفلوانزا الطيور و لو فيه دمامل وقشور صلبة علي الرجل يبقي فيروس الجدري و لوفيه اورام داخل الرجل يبقي فيروس الليكوزس و لو النخاع العظمي باهت ولزج يبقي فيروس الليكوزس او فيروس انيميا الدجاج المعدي و لو الرجل هشة وسهلة الكسر يبقي نقص غذائي في الكالسيوم والفوسفور , اما في المفاصل لو لقيت التهاب في المفاصل يبقي فيروس الريو او بكتيريا  اي كولاي او ميكوبلازما ساينوفي او ستاف او ستربت او كوليرا او السالمونيلا ولو لقيت التهاب في الغلاف الزلالي المحيط بوتر العضلة يبقي فيروس الريو او بكتيريا الميكوبلازما ولو فتحت المفصل ولقيت سائل كريمي يبقي اي كولاي و لو سائل أصفر شاحب يبقي سالمونيلا  ولوسائل رمادي ولزج يبقي مايكوبلازما ساينوفي ولو لقيت مواد متجبنة يبقي كوليرا اما لو لقيت القدم متورمة و بطن القدم بيبقي فيها كورة متضخمة كدة بيبقي نتيجة ان الفرشة بيبقي فيها حاجات حادة أو صلبة بتجرح قدم الفرخة وبعدين يحصل عدوي بكتيرية بالستربتوكوكس و ستافيلوكوكس .




لما نيجي نفحص العضلات ولقيت انزفة علي العضلات يبقي فيروس  الجمبورو او فطريات أفلاتوكسين او نقص في فيتامين ك او تسمم بأدوية السلفا ظي اما تكون عندك كوكسيديا وقعدت تعالج فيها لفترة كبيرة بالسلفا و لو العضلات لونها باهت أو شاحبة يبقي مرض الهزال و لو فيه خطوط بيضة علي العضلات يعني حتة لون عادي وحتة بيضة يبقي نقص غذائي في فيتامين ه و لو بعد ماشيلت الجلد لقيت زي سائل لزج او مخاط علي العضلات يبقي نقص في فيتامين ه ولو فيه احتقان او زرقان في العضلات الصدرية يبقي فيريميا يعني وجود فيروس في الدم او بكتيريميا يعني وجود بكتيريا في الدم او سيبتيسيميا يعني تسمم الدم بالميكروب اما عظمة القص لو العظمة مموجة او مبرومة والمفروض بتبقي مستقيمة يبقي كان فيه كساح قديم و لو فيه فقاعات جلدية أو بثرات على العظمة تبقي نتيجة كدمة أو ميكوبلازما .

ولما نيجي نفحص الزرق او فضلات الفراخ ولقيت اسهال أبيض عجيني بيلوث فتحة المجمع في أول عمر الكتاكيت يبقي بكتيريا السالمونيلا  ولو اسهال أخضر يبقي فيروس النيوكاسل المعوي  او بكتيريا  الميكوبلازما او الكوليرا او الالتهاب التنفسي المزمن (CRD) ولو اسهال دموي يبقي طفيليات الكوكسيديا ولو اسهال أصفر فيه رغاوي يبقي فيروس الجمبورو ولو اسهال عسلي بني فاتح الي غامق وريحته وحشه أوي يبقي بكتيريا الكولستيريديا ولو اسهال أصفر مبيض وفيه رغاوي  او الأصفر بتاعه بيبقي فاقع زي لون مادة الكبريت يبقي مرض الرأس السوداء histominiasis  او black head disease  ولكن في حالة الرومي لو لقيت اسهال مائي يبقي فيروس الجمبورو  ولو اسهال أبيض يبقي بكتيريا  السالمونيلا ولو اسهال أبيض ومعرق بخطوط دم او خطوط بنية زي الشيكولاتة يبقي في حالة الكوكسيديا او التهاب معوي اي نزلة معوية مصحوبة بنزيف وان شاء الله نبدأ الفحص الداخلي للفراخ في الموضوع القادم .


ليست هناك تعليقات

يشرفنا مشاركة تعليقك علي الموضوع