- - - - - - - - -
اسعار الدواجن اليوم السبت 19 أغسطس 2017
النوع السعر
سعر الابيض 22.5
سعر الساسو 32
الكتكوت الأبيض(أهالي) 4.75 - 6.25
الكتكوت الساسو 3.75 - 4.5
اضغط هنا لمعرفة سعر الكتكوت الأبيض(شركات) لبورصة الدواجن يوم السبت 19 أغسطس 2017
اضغط هنا لمعرفة أسعار بيض الدواجن يوم السبت 19 أغسطس 2017

أخبار الموقع

كيفية تشخيص أمراض الدواجن (الموضوع الثالث)


زي ما تابعنا علي بورصة الدواجن اليوم  اتكلمنا في الموضوع الأول لتشريح الواجن عن أهمية تشريح الفراخ للتعرف علي المرض وبدأنا في الفحص الخارجي للدواجن وكملنا الفحص الخارجي في الموضوع التاني وان شاء الله هنبدأ انهاردة في الفحص الداخلي للفراخ والطيور وهنبدأ بالجهاز الهضمي وهنمسك اول حاجة فيه نفحصها وهي الفم لو لقيت بقع نخرية وبثرلت صديدية يبقي فيروس الجدري او فطريات زي مرض القراع ويسببه فطر التريكوفيتون او طفيليات ترايكومونس او نقص غذائي في فيتامين A ولو لقيت التهاب في تجويف الفم يبقي فطريات زي التسمم بالفيوسيريام ولو تلون طرف اللسان باللون الأصفر يبقي فطريات ستاكي بوتري توكسيكوسيس ولو لقيت تقرحات في الفم يبقي فطريات الميكوتوكسين ويفرزها فطر أسبيرجللوزس بعد كدة المرئ لو لقيت حويصلات بارزة او بثرات صديدية يبقي نقص غذائي في فيتامين A ولو لقيت غشاء كاذب وتقرحات في المرئ يبقي فيروس الجدري او فطريات  مرض القراع ويسببه فطر التريكوفيتون او  طفيليات  ترايكومونس ولو فيه تقرحات وتأكل في جدار المرئ يعني بيبقى مهري يبقي فطريات  الميكوتوكسين ويفرزها فطر أسبيرجللوزس .

بعد كدة نمسك الحوصالة او الحويصلة ولو لقيت الجدار بتاعها تخين وفيه قرح يبقي فطريات كانديدياسيس و لوفيه أنزفة وتأكل بتظهر مهرية يبقي فيروس الانفلوانزا  بعد كدة المعدة الغدية وهي المعدة الحقيقية للفراخ ولو لقيت فيها بقع نزفية علي طرف او بوزالغدد يبقي فيروس النيوكاسل او الجمبورو و لو الجدار بقي تخين وسميك يبقي فيروس  الماريكس او الليوكوزس و لو لقيت التهاب يبقي فيروس الريو ولو بقت منتفخة وكبيرة أو متمددة dilatation يبقي بكتيريا الكلاميديا و لوفيه نقط بيضاء علي عضلات المعدة الغدية يبقي فيروس التهاب الدماغ في الطيور Avian Encephalitis ولو لقيت تقرحات يبقي فطريات  الميكوتوكسين ويفرزها فطر اسبيرجللوزس أو التسمم بالفوسفور و لو فيه بقع نزفية في المنطقة بين المرئ والمعدة الغدية يبقي فيروس النيوكاسل و لو فيه بقع نزفية طولية بطول المعدة الغدية وبين الغدد يبقي فيروس  الانفلوانزا  او بكتيريا سبيروكيتوزس spirochetosis او فطريات أوكراتوكسين ويفرزه فطر أسبيرجللوزس و لو فيه بقع نزفية في المنطقة بين المعدة الغدية والقونصة يبقي فيروس الجمبورو  و لو لقيت تنخر وتحلل في عضلات المعدة الغدية يبقي نقص غذائي في فيتامين ه سيلينيوم .

اما القونصة  لوفيه نقط بيضاء علي عضلات القونصة يبقي فيروس  التهاب الدماغ في الطيور avian encephalitis  و لو فيه نزيف في الطبقة المخاطية يبقي فيروس  الجمبورو او النيوكاسل المعوي و لو فيه تقرحات وتأكل في بطانة القونصة يعني الغشاء الأصفر اللي بيبقى مبطن القونصة بيبقى متقطع كده يبقي فطريات الميكوتوكسين ويفرزها فطر أسبيرجللوزس 




بعد كدة الامعاء لو فيه تقرحات دموية في الامعاء الدقيقة يبقي فيروس النيوكاسل ولو لقيت بقع نزفية في الأمعاء ووجود مواد بيضاء صغيرة اللي هي الشيزونت بتبقي عاملة زي الشرايط الصغيرة جدا يبقي طفيليات الكوكسيديا ولو لقيت التهاب معوي نخري يعني مهرية necrotic enteritis يبقي بكتيريا الكولستيريديا اما لو التهاب معوي مخاطي catarrhal enteritis يبقي فيروس الجمبورو او بكتيريا  السالمونيلا  او  اي كولاي ولو لقيت مواد طباشيرية علي الطبقة المصلية للأمعاء يبقي مرض النقرس المعوي ولو لقيت بيض كامل التكوين أو بيض طري في التجويف البطني وعلي الأحشاء يبقي فيروس أي بي ولو لقيت عقيدات nodulesعلي جدار الأمعاء يبقي فيروس الليوكوزس او بكتيريا اي كولاي او السل او ديدان اما المعي الاعور لو لقيت انتفاخ الأعورين وامتلائهما بالدم بتبقي زي السجق التخين يبقي طفيليات الكوكسيديا الاعورية يسببها ايميريا تينيلا وبرضو لو لقيت أنزفة في جدار الاعورين يبقي الكوكسيديا الاعورية ولو فيه انتفاخ شديد في الأعورين ووجود سائل أصفر كريه الرائحة يبقي بكتيريا الكولستيريديا ولو لقيت مواد متجبنة بيضاء في الأعورين يبقي بكتيريا السالمونيلا  ولو فيه أنزفة  في اللوزتين بتاعة الأعورين cecal tonsils يبقي فيروس  النيوكاسل

بعد كدة نفحص البنكرياس لو لقيت ليه مظهر طباشيري يبقي فيروس انيميا الدجاج المعدي او بكتيريا الكلاميديا و لو لقيته متورم وكبير وفيه عقيدات عليه يبقي فيروس الماريكس و لو فيه ضمور يعني صغير عن الحجم الطبيعي يبقي فيروس  الريو او فطريات أفلاتوكسين ويفرزها فطر أسبيرجللوزس و لوفيه أنزفة يبقي فيروس الانفلوانزا او فطريات  أفلاتوكسين ويفرزها فطر أسبيرجللوزس و كده فاضل في الجهاز الهضمي الطحال والكبد وهو عضو مهم جدا في الدواجن وان شاء الله نكمل في الموضوع اللي جاي .
  

هناك تعليقان (2):

  1. جزاكم الله خيرا , معلومات موثقة وعن تجربة

    ردحذف
    الردود
    1. ربنا يبارك فحضرتك يااستاذ محمد وان شاء الله نكون دايما عند حسن ظنكم

      حذف

يشرفنا مشاركة تعليقك علي الموضوع