- - - - - - - - - - -
اسعار الدواجن اليوم السبت 16 ديسمبر 2017
النوع السعر
سعر الابيض 21
سعر الساسو 26
الكتكوت الأبيض(أهالي) 2.5 - 7.35
الكتكوت الساسو 2.25 - 2.50
اضغط هنا لمعرفة سعر الكتكوت الأبيض(شركات) لبورصة الدواجن يوم السبت 16 ديسمبر 2017
اضغط هنا لمعرفة أسعار بيض الدواجن يوم السبت 16 ديسمبر 2017
حمل تطبيق بورصة الدواجن الان على تليفونك المحمول وتمتع بخدمة الاسعار المجانية

أخبار الموقع

كيفية تشخيص أمراض الدواجن (الموضوع الرابع )


كما تابعنا علي بورصة الدواجن بدأنا في الموضوع اللي فات في الجهاز الهضمي وكان فاضلنا فيه الكبد والطحال , وان شاء الله هنكمله انهاردة وهنبدأ في الجهاز التنفسي والقلب والكلية  اولا الكبد لو فيه تضخم شديد في الكبد ويكون لونه رمادي يبقي فيروس الليكوزس او الماريكس ولو تضخم شديد في الكبد ولونه احمر طوبي يبقي فيروس الليكوزس ولو لقيت تضخم أو كبر حجم الكبد ويكون لونه أصفردهني وهش يبقي متلازمة الكبد الدهني اي دهون زيادة علي الكبد ولو كبر حجم الكبد مع لون أحمر غامق ووجود بقع نخر متجلطة رمادية اللون يبقي بكتيريا  كوليسبتيسيميا  او الكوليرا او فطريات  الميكوتوكسين ويفرزها فطر أسبيرجللوزس ولو فيه تضخم في حجم الكبد ويكون لونه برونزي يبقي بكتيريا السالمونيلا (باراتيفويد) وعند وجود عقيدات نخر متجبنة صفراء باهتة يبقي فطريات  أسبيرجللوزس ولو فيه نقط نخرية دبوسية صغيرة وعددها صغير يبقي بكتيريا  اي كولاي ولو فيه نقط نخرية علي كل الكبد كأنك جبت شوية ردة ورشيتهم علي الكبد يبقي بكتيريا  الكوليرا ولو لقيت غشاء أبيض يغلف الكبد يبقي بكتيريا  الاتهاب التنفسي المزمن (CRD)(اي كولاي + ميكوبلازما) و لو الكبد مزرقش يعني مخطط حتة لون أصفر وحتة أحمر غامق يبقي بكتيريا  الكولستيريديا  ولو لو الحويصلة المرارية متممدة أو منتفخة يبقي  فيروسات أدينو(adenoviruses) او بكتيريا  السالمونيلا او فطريات  الميكوتوكسين ويفرزها فطر أسبيرجللوزس .

ثانيا الطحال وبيبقي عامل زي الكورة الصغيرة في الطيور وموجود تحت المعدة ولو لقيت الطحال محتقن ومدمم يبقي فيروس  النيوكاسل ولو فيه تضخم شديد في الطحال(splenomegally) يبقي فيروس  الجمبورو او بكتيريا  اي كولاي و لو الطحال مزرقش اي فيه اكتر من لون نتيجة  أنزفة تحت الغشاء يبقي بكتيريا سبيروكيتوسس(spirochetosis) ولو لقيت تضخم شديد في الطحال وتكون في كل الطحال أو فيه عقيدات صغيرة يبقي فيروس الماريكس او الليكوزس ولو لقيت نقط بيضاء عليه يبقي فيروس  النيوكاسل او  بكتيريا  سالمونيلا اما لو لقيت حبوب صفراء متجبنة علي الطحال يبقي بكتيريا  اي كولاي او السل وكدة الجهاز الهضمي خلص .

نيجي بقي للجهاز التنفسي اولا الانف والجيوب الانفية  واتكلمنا عليهم في الفحص الخارجي ثانيا القصبة الهوائية لو لقيت مواد متجبنة تسد نهاية القصبة الهوائية عند منطقة تشعب أو انقسام القصبة يبقي فيروس  أي بي و لو فيه أنزفة في كل القصبة الهوائية يبقي فيروس  أي ال تي و لو فيه ديدان حمراء صغيرة في شكل y يبقي طفيليات  زي syngamus trachea و لو فيه غشاء رقيق يبطن القصبة الهوائية يبقي نقص غذائي في فيتامين A ولو لقيت حبيبات صغيرة متجبنة يبقي فيروس  النيوكاسل




ثالثا الرئتين  وعند وجود التهاب رئوي صديدي وسوائل صفراء يبقي بكتيريا  الكوليرا  ولو فيه غشاء أبيض علي الرئتين يبقي بكتيريا الاتهاب التنفسي المزمن (CRD)(اي كولاي + ميكوبلازما) ولو لقيت حبيبات أو عقيدات رمادية اللون يبقي بكتيريا  السالمونيلا اما لو لقيت حبيبات أو عقيدات صفراء اللون يبقي بكتيريا السل , رابعا الأكياس الهوائية وفي الطبيعي بتيقى رقيقة جدا وشفافة ومفيش فيها أي سوائل أو مواد أخري ولكن ان لقيت غيوم او عتامة و مواد متجبنة يبقي   أي بكتيريا تسبب اصابة تنفسية مثل الميكوبلازما او  اي كولاي او CRD او اي فيروس تنفسي زي  اي بي او انفلوانزا او نيوكاسل ولكن لو لقيت حبيبات او عقيدات صفراء علي الأكياس الهوائية تبقي فطريات زي كانديدياسيس او أسبيرجيللوزس وكدة الجهاز التنفسي خلص .

نيجي بقي للقلب لو لقيت التهاب في غشاء التامور المحيط بالقلب يبقي بكتيريا  اي كولاي او سالمونيلا و لوفي بقع نزفية علي القلب وعلي الجزء الدهني في اعلي القلب يبقي فيروس  الانفلوانزا  او  بكتيريا  كوليرا الطيورولو لقيت عضلات القلب كأنها مغلية زي اللحمة المستوية يبقي بكتيريا  لبتوسبيرا او  سبيروكيتوسيس اما لو فيه حبيبات أو عقيدات  رمادية علي عضلات القلب يبقي -بكتيريا  السالمونيلا  و لو فيه غشاء أبيض يغلف القلب يبقي التهاب تنفسي مزمن (CRD)(اي كولاي + ميكوبلازما) ولو لو فيه تجمعات سائلة حول القلب يبقي فيروس  أنيميا الدجاج المعدي CIA او بكتيريا  اريسبيلسerysipelas اما لو فيه أورام في القلب يبقي فيروس  الماريكس

اما بالنسبة للكلية فلو فيه التهاب في أنسجة الكلية (nephritis) يبقي فيروس  أي بي و لو فيه تضخم في الكلية نتيجة تجمع البول فيها (nephrosis) يبقي فيروس  الجمبورو لانه بيعمل تضخم في غدة فابريشيوس فبيضغط علي الحالبين فبيحبس البول في الكلية فبيعمل تحلل في أنسجة الكلية او فطريات زي  اوكراتوكسين ويفرزها فطر أسبيرجللوزس اما لو الكلية لونها  أحمر رمادي وفيها أورام يبقي فيروس  الماريكس  الليكوزس , و ان شاء الله نكمل في الموضوع القادم .


هناك تعليق واحد:

  1. سلام عليكم في حاله في الديك الرومي الكبد يكون متضخم قليلا و فيها بقع او اكيااس مملوءه بمواد قيحيه صفراء

    ردحذف

يشرفنا مشاركة تعليقك علي الموضوع