- - - - - - - - -
بورصة الدواجن اليوم الثلاثاء 23 مايو 2017
النوع السعر
سعر الابيض 30
سعر الساسو 31
الكتكوت الأبيض(أهالي) 3.75 - 8
الكتكوت الساسو 1.75 - 3
اضغط هنا لمعرفة سعر الكتكوت الأبيض(شركات) لبورصة الدواجن يوم الثلاثاء 23 مايو 2017
اضغط هنا لمعرفة أسعار بيض الدواجن يوم الثلاثاء 23 مايو 2017


أخبار الموقع

منشطات النمو الطبيعية (Natural Growth Promoters)




اتكلمنا في الموضوع السابق عن منشطات النمو التي تستخدم في مجال الدواجن من أجل تحسين الانتاج وزيادة المكاسب لمواجهة     التحديات التي تواجها صناعة الدواجن في مصر مثل الارتفاع الشديد الذي شهده سوق الدواجن في الأعلاف وزيادة أسعار الكتاكيت وأسعار الأدوية والتحصينات دون أي زيادة في أسعار الدواجن  كما تابعنا في بورصةالدواجن اليوم في مصر ولأن صناعة الدواجن أصبحت في خطر شديد في الفترة الاخيرة بسبب الأمراض الكثيرة والمحدثة في مجال  الدواجن , فعلينا ان نواجه هذه المشاكل عن طريق رفع مناعة الطيور وزيادة الانتاج وذلك من خلال  استخدام منشطات أو محفزات النمو في تربية الدواجن وقد تناولنا في الموضوع  السابق بعض من هذه المنشطات والتي تشمل كلا من الهرمونات والمضادات الحيوية المستخدمة كمنشطات للنمو , واليوم سنتحدث عن منشطات النمو الطبيعية في الدواجن.

ثالثا منشطات النمو الطبيعية  Natural Growth Promoters و يجب أن نعلم جميعا أن الله عز وجل قد جعل توازن طبيعي بين البكتيريا النافعة والبكتيريا الضارة في الجهاز الهضمي الدواجن وأيضا في الانسان ولكن نتيجة لبعض الظروف أو الأسباب تنشط البكتيريا الضارة وتتغلب علي البكتيريا النافعة فتتأثر العمليات الحيوية داخل الجسم ومن هذه الأسباب  المضادات الحيوية حيث أن استخدام بعض المضادات الحيوية يكون له أثار جانبية ويسبب موت البكتيريا النافعة داخل المعدة والامعاء فيسبب بعض المشاكل مثل الاسهال وايضا عوامل الاجهاد المختلفة و الاسهال المزمن وعوامل الاجهاد المختلفة و الاصابات المرضية والعليقة او العلف نتيجة عدم التوازن بين مكونات العلف أو احتواء العلف علي سموم ومواد ضارة وبالتالي فان وظيفة منشطات النمو الطبيعية هي اعادة هذا التوازن والحفاظ عليه دون اي اثار جانبية.

أولا  البروبيوتيك probiotics و هي عبارة عن بكتيريا أو جراثيم حية  تدعم نمو البكتيريا النافعة وتقضي علي البكتيريا الضارة مثل السالمونيلا والاي كولاي لتصبح القناة الهضمية صحية و من امثلة البكتيريا الحية المستخدمة كبروبيوتيك لاكتوباسيلس lactobacillus و بايفيدوبكتيريم bifidobacterium  و انتيروكوكس enterococcus  و فوائد استخدام البروبيوتيك  هي اعادة التوازن بين البكتيريا النافعة والضارة في القناة الهضمية عن طريق افراز بروتين ذوتأثير قاتل علي البكتيريا الضارة زي باكتيريوسين او ديفنسين وجعل الوسط حامضي في المعدة فيجعل المعدة بيئة غير مناسبة لنمو البكتيريا الضارة و تقوم بكتيريا البروبيوتيك بمنافسة الميكروبات الضارة عن طريق  الالتصاق مع الغشاء المخاطي المبطن للمعدة فتمنع غزو الميكروبات الضارة للغشاء المخاطي و تقوم بدعم وتقوية وظيفة الغشاء المخاطي للمعدة عن طريق زيادة افراز السائل المخاطي في المعدة وزيادة قوة الحاجز المناعي و ترفع مستوي المناعة لأنها تنشط انتاج الأجسام المناعية Ig A  وايضا تحد من انتاج المواد السرطانية في الجسم  و تستخدم ايضا  في اضطرابات الجهاز الهضمي مثل  التهاب الامعاء والقولون العصبي والاسهال المعدي  والاسهال نتيجة المضادات الحيوية و تقوم برفع معدل التحويل الغذائي وزيادة الأوزان وتعطي نتائج فعالة جدا عن تجربة خاصة.




ثانيا البريبيوتيك Prebiotics وهي عبارة عن مواد كربوهيدراتية غير قابلة للهضم تقوم بتحفيز نمو ونشاط بكتيريا البروبيوتيك في القناة الهضمية للدواجن و من أمثلة البريبيوتيك  أوليجوساكريد oligosaccharides وسكريات غير نشوية و تستخرج البريبيوتيك من انواع مختلفة من الخضراوات والفاكهة مثل الطماطم والبصل والثوم والبقوليات والموز ونخالة القمح ونبات الهليون و تتميز البريبيوتيك بأنها أكثر استقرارا من البروبيوتيك حيث تصل للمعدة دون تغيير علي عكس بكتيريا البروبيوتيك التي تتأثر بانزيمات الجهاز الهضمي.

ثالثا السينبيوتيك synbiotics  وهي عبارة عن خليط من البروبيوتيك والبريبيوتيك يقوي كلا منهما عمل الأخر من أجل قناة هضمية صحية , رابعا الفيتوبيوتيك Phytobiotics وهي عبارة عن مواد مشتقة او مستخرجة من الأعشاب والتوابل والنباتات العطرية والزيوت الأساسية ويكون لها تأثير قاتل علي الميكروبات وتأثير مضاد للفطريات وايضا مضاد للفيروسات بزيادة المناعة و مضاد للأكسدة ولها تأثير فاتح للشهية و تقوم بتحسين طعم العلف وتحفز افراز الانزيمات الهضمية الداخليةمن الجسم فتحسن من انتاج الطيور.

خامسا الأسيديفاير Acidifiers  و تشمل الأحماض العضوية  وحمض الفورميك  وحمض اللاكتيك وأملاح هذه الأحماض و تستخدم في العليقة كمركب واحد أو كمجموعة اي خليط من الأحماض و بعض الأسيديفاير تحتوي أيضا علي الاحماض غير العضوية مثل حمض الفوسفوريك و تستخدم كمواد حافظة تمنع التحلل الميكروبي او الفساد للأغذية خصوصا التي تحفظ في ظروف تخزين سيئة كالرطوبة العالية والمستوي العالي من الفطريات و تستخدم ايضا  في تحفيز النمو عن طريق جعل الوسط في المعدة والامعاء وسط حامضي فتدعم الانزيمات الهضمية المفرزة داخل الجسم وتقلل من الميكروبات الضارة .


هناك 22 تعليقًا:

  1. السلام عليكم و رحمة الله و بركاتة و بركاتة
    شكرا علي هذا الموضوع الجميل و جزاك الله خيرا
    ياريت تفدني في طريقة استعمال هذه الادوية خلال الدورة و اي علاج افضل لاني مربي مبتدأ
    ولك جزيل الشكر

    ردحذف
  2. طيب حضرتك بتربي عدد اد ايه لان منشطات النمو دي معظمها بيبقي غالي فعشان اقدر اقولك نوع كويس يناسب العدد اللي عندك وامكانياتك

    ردحذف
  3. حضرتك في منتج اسمه باكتوساك (بروبيوتك منشط نمو طبيعي) عبارة عن ازازة نص لتر وطريقة استخدامها كالأتي 1سم لكل 5 لتر مياه يوميا من اليوم الأول لحد عمر اسبوعين
    وبعدين 1سم لكل 5 لتر مياه شرب في الأسبوع الثالث لمدة 3 ايام
    وبعدين 1سم لكل 10 لتر مياه شرب في الأسبوع الرابع من العمر وحتي الذبح لمدة 3 أيام
    وانا مجرب النوع ده عندي واداني نتايج كويسة جدا بس لازم تظبط مكان التربية والتهوية والفرشة الأول بس المشكلة انه غالي شوية انا كنت جايبه من 9 شهور تقريبا النص لتر ب 350 جنيه

    ردحذف
    الردود
    1. السلام عليكم و رحمة الله و بركاتة
      بعد اذنك معلش انا تعبت حضرتك معي كتير بس استفسار اخير بالنسبة لهذا المنشط بستخدم معه التحصينات و الفيتامينات عادي ويكون ازي وشكرا لحضرتك

      حذف
    2. وعليكم السلام وتحت امرك يااستاذ علي في أي وقت
      حضرتك بتستخدم منشط النمو بشكل عادي جدا طول الدورة زي ماقولنا وكمان برنامج التحصينات بيمشي عادي برضو في مواعيده المحددةمش هياثروا علي بعض بالعكس منشط النمو ده هيساعد الطائر انه يكون اجسام مناعية كويسة نتيجة للتحصين وتمنع اصابة الطائر بالفيروس

      حذف
    3. يعني مثلا ممكن تدي منشط النمو في سقوة الصبح والفيتامينات في سقوة اخري أخر النهار

      حذف
    4. شكرا وجزاك الله خيرا استاذ أحمد

      حذف
    5. الشكر لله استاذ يوسف

      حذف
  4. وصورة المنتج علي الرابط ده

    https://www.blogger.com/post-preview-auth.g?postID=7287514324664157541&blogID=4052259016163385893

    ردحذف
  5. وفيه منتج تاني اسمه growth pattern بيبقي بودرة والكيلو منه 105 جنيه تقريبا
    وفيه نوع اسمه جالزين اللتر منه ب 85 جنيه تقريبا
    وممكن تستخدم خميرة العيش

    ردحذف
  6. شكرا جزيلا و جزاك الله خيرا
    انا مربي مبتدأ وكنت بحول أجمع معلومات اكتر قبل ما ادخل في هذا المشروع و أنا بفكر اني ابدأ ب 1000 كتكوت او 500 كتكوت بس انا سمعت ان في فيرس منتشر الان و هذا الفيرس بيخلي الفرخ يرفض الاكل و الشرب ويبدأ في تغيير لونة الي اللون الازرق انا مش عارف اية المرض ده و علاجة اية او اتلاشاه اذي يا ريت تفدني لو عند حضرتك فكرة . واية انواع الفراخ البياضة واحسنهم وجزاك الله خيرا وشكرا لحضرتك

    ردحذف
    الردود
    1. لو من ناحية الفيروسات فهي كتير عندك مثلا فيورس انفلوانزا الطيور اللي بيسبب زرقان في العرف وبييقضي علي الفراخ كلها ممكن في يوم واحد, بس المشاكل دي مش جديدة علي موضوع الدواجن والناس بتربي علي كدة وبتحصن وبتسيبها علي الله , فلو حضرتك نويت خلاص وهتربي فتوكل علي الله وربنا معاك ان شاء الله بس تعمل اللي عليك وتمشي ببرنامج تحصينات كويس
      حضرتك لو لسة هتبدأ فالافضل انك تبدأ بفراخ التسمين الاول لانها سهلة شوية عن البياض علي ماتاخد شوية خبرة وثقة

      حذف
    2. وبالنسبة لموضوع البياض ممكن حضرتك تقرا عنه علي موقعنا هنا والروابط اهي
      http://poultrystocktoday.blogspot.com/2016/02/egg-layers.html

      http://poultrystocktoday.blogspot.com/2016/03/blog-post_99.html

      http://poultrystocktoday.blogspot.com/2016/03/blog-post_19.html

      http://poultrystocktoday.blogspot.com/2016/03/blog-post_23.html

      حذف
    3. وموضوع دجاج التسمين
      http://poultrystocktoday.blogspot.com/2016/02/broiler-breeds.html

      حذف
  7. ومن اشهر السلالات البياضة المستخدمة في مصر عندك سلالات بيضاء الريش بتنتج بيض ابيض القشرة زي اس ال - شيفر ابيض لوهمان - روس - هاي سكس - هاي لاين w36 - بوفانز . وسلالات بنية الريش بتنتج بيض بني زي الايزابراون والشيفر البني والباب كوك والبوفانز براون والهاي لاين براون
    وفيه سلالات سوداء الريش بتنتج بيض بني زي شيفر سوداء وبوفانز نيرا

    ردحذف
  8. السلام عليكم عندي استفسار حول استعمال هرمون النمو عند الطيور غير المعدة للاستهلاك البشري

    ردحذف
  9. السلام عليكم عندي استفسار حول استعمال هرمون النمو عند الطيور غير المعدة للاستهلاك البشري

    ردحذف
    الردود
    1. وعليكم السلام استاذ عمار
      استخدام هرمونات النمو في تربية الحيوانات والطيور ممنوع مش بس عشان انه بيضر صحة الانسان ولكن كمان بيضر صحة الطيور لان الهرمون بيحمل جسم الطائر فوق طاقته وممكن ينهار ويموت في اي لحظة زي حضرتك اما تيجي تبني بيت وتعمله اساس وقواعد تشيل 5 أدوار وبعدين تيجي تبني فوقه 10 أدوار فأكيد البيت هينهار وكذلك للطائر أو الحيوان وكمان هذه الهرمونات بتسبب ضرر لأعضاء الطيور الداخلية بشكل كبير
      وايضا مش في كل الحالات الهرمونات دي بتجيب نتيجة زي ماانت متوقع عشان كمدة البعد عنها احسن وتعوض استخدامها بانك تستخدم غذاء كويس ومجموعة فيتامينات احسن

      حذف
  10. شكرا جزيلا و جزاك الله خيرا علي هذه المعلومات استاذ احمد

    ردحذف
    الردود
    1. الشكر لله يااستاذ يوسف انا تحت امرك

      حذف
  11. مصدر معلوماتك يا استاذ احمد , لاكن لو حضرتك اكاديمى او شغل حقلى

    ردحذف
    الردود
    1. ازيك يااستاذ ميدو
      حضرتك انا درست الكلام ده في الكلية.... انا طبيب بيطري
      وجربت الشغل ده في الحقل
      وفيه مزارع كتير اوي بتستخدم الحاجات دي , بس المشكلة الحاجات النضيفة منها بتبقي غالية

      حذف

يشرفنا مشاركة تعليقك علي الموضوع