- - - - - - - - -
بورصة الدواجن اليوم الثلاثاء 25 أبريل 2017
النوع السعر
سعر الابيض 24.5
سعر الساسو 25
الكتكوت الأبيض(أهالي) 8 - 11.8
الكتكوت الساسو 3 - 4
اضغط هنا لمعرفة سعر الكتكوت الأبيض(شركات) لبورصة الدواجن يوم الثلاثاء 25 أبريل 2017
اضغط هنا لمعرفة أسعار بيض الدواجن يوم الثلاثاء 25 أبريل 2017


أخبار الموقع

كيفية تشخيص أمراض الدواجن (الموضوع الخامس)


   خامسا الجهاز التناسلي الأنثوي اول حاجة هنتكلم عن المبيض  فلو فيه تشوه في المبيض ولقيت البيض ماسك نفسه شوية يبقي بكتيريا السالمونيلا  اما لو لقيت البيض سايح في بعضه ومحتقن يبقي فيروس النيوكاسل او بكتيريا كوليرا الطيور ولكن لو فيه أورام  في المبيض يبقي فيروس  الليكوزس و لو فيه أنزفة يبقي أي septicemic disease  زي انفلوانزا الطيور  و لو المبيض  كأنه عنقود عنب أو مليان خراريج يبقي ورم غدي كيسي في المبيض (cystadenoma of ovary)  , بعد كدة قناة البيض لو فيه التهابات في قناة البيض يبقي  بكتيريا  السالمونيلا و لوفي التهاب زي في حالة السالمونيلا بس بيبقي شديد أوي فبيسبب انسداد القناة فالبيض ينزل في التجويف البطني ويعمل التهابات في البطن وده بيسببه بكتيريا  اي كولاي اما لو لقيت البيض بينزل مشوه أو مش عليه القشرة الخارجية يبقي فيروس أي بي لأنه بيعمل ضمور في الجزء الوسطي من قناة البيض والمسئول عن تكوين قشرة البيض اما لو لقيت ضمور في كل قناة البيض وانخفاض شديد في البيض بمعدل 5 الي 50 % وممكن يستمر 3-4 أسابيع  يبقي فيروس متلازمة انخفاض البيض

نصيحة  لو كنت جايب  كتاكيت عشان تعمل قطيع بياض وجالهم سالمونيلا وهما صغيرين اوعي تربيهم بهدف البيض المفروض انك تربيهم لحد مايكبروا وتبيعهم لحم لان السالمونيلا وهما صغيرين علاجها سهل أوي ولكن بتفضل كامنة داخل الجسم لحد ما الفراخ تيجي تبدأ  تبيض فتنشط السالمونيلا وتضيعلك القطيع يعني بتبوظ المبيض وقناة البيض زي ماقولنا

سادسا الجهاز التناسلي الذكري وهنتكلم عن الخصيتين فلو فيه خراريج في الخصية يبقي بكتيريا السالمونيلا و لو فيها احتقان يبقي بكتيريا  كوليرا الطيور و لو متضخمة في الحجم يبقي فيروس  الليكوزس او  الماريكس او نقص غذائي في فيتامين A اما لو فيها ضمور يعني صغيرة في الحجم عن اللازم  يبقي نقص غذائي في فيتامين ب1



سابعا الجهاز العصبي وهنبدأ بالمخ  لو فيه تلين و أنزفة في انسجة المخ يبقي نقص غذائي في فيتامين E و لو فيه احتقان في الأغشية السحائية للمخ يبقي فيروس النيوكاسل او  انفلوانزا الطيور و لو فيه نزيف بسيط علي سطح المخيخ (cerebellum) يبقي فيروس  النيوكاسل و لوفي رخاوة في المخ يبقي فيروس التهاب مخ الطيور (Avian Encephalitis) بعد كده العصب الوركي Sciatic Nerve  لو لقيته متضخم  ولونه رمادي ,dull ,loss of striation يبقي في احتمالين الاول لو في رجل واحدة يبقي فيروس الماريكس  هلاقي الفرخة بتمشي رجل قدام ورجل ورا زي راقصة الباليه اما الحتمال الثاني لو في الرجلين يبقي نقص غذائي في فيتامين ب2 (ريبوفلافين) .

ثامنا الأعضاء المناعية والغدد في الجسم وهنبدأ اول حاجة بغدة فابريشيس في البداية تلاقيي الغدة حجمها كبر وتجمعت سوائل فيها وبعدين تلاقي فيها مواد متجبنة وبعدين انزفة وبعدين صديد وفي الأخر تضمر في الحجم اي تصغر وده بيبقي نتيجة فيروس  الجمبورو اما لو لقيت فيها تضخم شديد جدا يبقي فيروس الليكوزس ولكن لو لقيت فيها ضمور يبقي فيروس  الماريكس  أو المرحلة المتأخرة من مرض الجمبورو  بعد كدة  الغدة التيموسية و بتبقي موجودة علي جانبي الرقبة لو لقيت فيها تضخم يبقي فيروس  الجمبورو  و لو لقيت فيها ضمور يبقي فيروس الماريكس او  انفلوانزا الطيور او النيوكاسل و لو لقيت فيها أنزفة يبقي فيروس  النيوكاسل .

بعد كة الطحال واتكلمنا عليه قبل كدة وبقيت الغدد الاخري زي الغدة الكظرية لو لقيت فيها تضخم عن المعتاد يبقي نقص غذائي في الثيامين  ولو لقيت الغدة الدرقية متضخمة يبقي goiter , واخر حاجة كيس المح و بيبقي موجود في الكتاكيت الصغيرة ويتم امتصاصه خلال 48 الي 56 ساعة  و لو كيس المح لم يمتص يبقي السبب بكتيريا  اي كولاي او سالمونيلا و كده باذن الله يكون موضوع تشخيص امراض الدواجن خلص زي ماتابعنا مع بعض علي بورصة الدواجن.

ليست هناك تعليقات

يشرفنا مشاركة تعليقك علي الموضوع