- - - - - - - - -
اسعار الدواجن اليوم السبت 19 أغسطس 2017
النوع السعر
سعر الابيض 22.5
سعر الساسو 32
الكتكوت الأبيض(أهالي) 4.75 - 6.25
الكتكوت الساسو 3.75 - 4.5
اضغط هنا لمعرفة سعر الكتكوت الأبيض(شركات) لبورصة الدواجن يوم السبت 19 أغسطس 2017
اضغط هنا لمعرفة أسعار بيض الدواجن يوم السبت 19 أغسطس 2017

أخبار الموقع

سلالات دواجن التسمين (broiler breeds)



اتكلمنا كتير عن الدواجن وناقشنا مع بعض كثير من الامراض اللي بتصيب الدواجن وبتسبب مشاكل في بورصة الدواجن ونسينا نتكلم عن اهم حاجة اللي هي انواع الدواجن وسلالاتها المختلفة فخلونا انهاردة نعرف مع بعض اهم سلالات دجاج التسمين المنتشرة في مصر وهنوضح  مميزات كل سلالة عن الاخري وبعض النقاط الاساسية اللي بتخص كل سلالة.

طبعا الموضوع ده مهم ليه ؟ لان المربي لازم يبقي عارف نوع الكتكوت اللي مدخله المزرعة لان كل كتكوت وليه نظام تربية مختلف عن السلالة الاخري من حيث درجات الحرارة في ايام التحضين ونظام الاضاءة المتبع في الدورة  ومعدل الزيادة اليومية في الوزن  واستهلاك العلف  ومتوسط الاوزان بنهاية دورة التربية , وكمان لازم يعرف ان فيه سلالات كتاكيت بتتأخر عن غيرها في التحويل زي ماهنعرف دلوقتي , طبعا الاختلافات بين السلالات اللي بنقول عليها دي مش كبيرة لكنها بتفرق في كل حاجة وعشان نقدر نوفر للكتكوت كل مايلزمه فيدينا الوزن المطلوب في الاخر .

هنبدأ انهاردة في سلالات الدواجن المنتجة للحم وباذن الله هنتكلم برضو عن سلالات الدجاج البياض في موضوع اخر زي ماتعودنا عشان تبقي الصورة كاملة لدي كل من يهتم ببورصة الدواجن  ونرجو الافادة للجميع , في القرن التاسع عشر كان انتاج اللحم من الفراخ كناتج ثانوي لانتاج البيض واقتصر انتاج اللحم علي الديوك والفراخ التي قضت فترة الانتاج بتاعتها ولكن في منتصف القرن الماضي بعد تقدم العلم والتكنولوجيا وزيادة احتياج لحم الدجاج كمصدر بديل للبروتين قام علماء الوراثة بتهجين سلالات جديدة للدواجن تحتوي علي جينات تسرع عملية نمو الفراخ في اقل وقت ممكن واقل تكلفة .

ويعتبر اصل دجاج التسمين في كل العالم هما 1- سلالة الكورنيش الابيض (white cornish) التي تمثل خط الاباء وتتميز باتساع الصدر وقدرتها الفائقة علي انتاج اللحم ويكون لون ريشها ابيض وارجلها طويلة وخالية من الريش ولون اللحم والجلد أصفر ولون البيض بني غامق ولون شحمة الاذن احمر والعرف في شكل حبة الفاصوليا  وكانت تستخدم في مصارعة الديوك في الهند فسميت بالمصارع الهندي ويصل وزن الديك 4.767 كجم والانثي 3.632 كجم  .




 2- سلالة البليموث روك الابيض (white Plymouth rock chicken) التي تمثل خط  الامهات وهي سلالة امريكية تتميز بالانتاج العالي للبيض ويوجد منها اللون الابيض والاسود والمخطط والاشقر ويكون لون البيض بني ولون اللحم والارجل والجلد اصفر والارجل غير مريشة وشحمة الاذن لونها احمر والعرف مفرد ويصل وزن الديك منها 4.313 كجم والانثي 3.405 كجم .
وانتجت الشركات العالمية من تهجين هذه السلالتين انوع كثيرة من كتاكيت اللحم منها الهبرد والاربو ايكرز والروص يشمل دجاج التسمين نوعين النوع الاول (سلالات التسمين البيضاء) يكون لون ريشه ابيض وكلنا عارفينه بالفراخ البيضة وبتتميز بسرعة معدلات النمو , والنوع الثاني هو سلالات التسمين الحمراء وتختلف عن الفراخ البيضاء في عدة أمور .

أولا سلالات التسمين البيضاء  دورة تربيتها لاتزيد عن 50 يوم وتتراوح من 35 الي 50 يوم و تعطي اوزان اعلي من السلالات الحمراء و معظمها بيدي وزن 2 كجم عند عمر 35 يوم و اغلب التجار يفضلونها عن الفراخ الحمراء عند الشراء و يمكن عمل مايقرب من 6 دورات في السنة و دورة الربح تكون سريعة  اما عيوبها انها لا تتحمل درجات الحرارة العالية في فص الصيف وتسبب نفوق عدد كبير نتيجة للاحتباس الحراري وتكون اكثر حساسية للاصابة بالامراض التنفسية مثل البرد والمايكوبلازما والسي ار دي من السلالات الحمراء وتزيد المشاكل التنفسية بزيادة العمر لذلك يجب ظبط التهوية طول دورة التربية في العنبر و اسعار كتاكيتها عند الشراء تكون مرتفعة وتحتاج ظروف بيئية مثالية ولا تناسب المربي المبتدئ ومن انواعها  الهابرد , الروس , الكوب , الاربو ايكرز , اللوهمان  , ايفيان , اي ار , هيبرو .



ثانيا سلالات التسمين الحمراء وهي  تتحمل درجات الحرارة العالية اكثر من السلالات البيضاء و حساسيتها للاصابة بالامراض التنفسية مثل المايكوبلازما اقل من السلالات البيضاء  و سعر الفراخ عند البيع اغلي من سعر الفراخ البيضاء و بعض التجار بيحب يشتريها و تناسب امكانيات المربي المبتدئ و الناس بتفضلها اكتر لان طعم لحمتها قريب من الفراخ البلدي و سعر الكتاكيت عند شرائها رخيص عن الكتاكيت البيضة , اما عيوبها  ان دورة التسمين بتبقي شهرين او اكتر فيكون عدد دورات التربية في السنة 4 او 5 دورات فقط ومن انواعها  الشيفر الاحمر , ايزا براون , الساسو متعددة الالوان .
 
سلالات التسمين البيضاء :
-      الهابرد :
تتميز هذه السلالة بكبر حجم الكتكوت من اول يوم ويبدأ تكوينه الهيكلي وتكوين اللحم والريش من عمر اول يوم فيظهر علي الكتكوت التغير يوم عن يوم وهذه الميزة لاتتوفر في انواع الكتاكيت الاخري زي الايفيان والكوب اللي بتتاخر في النمو فلا يظهر تغير في حجم الكتاكيت الا بعد اسبوعين فيظن بعض المربيين ان الشركة غشته في الكتكوت , وعشان كده اتكلمنا عن الموضوع ده انهاردة , ويوجد من الهابرد 4 انواع مختلفة منها :   
 Hubbard Classic, Hubbard Flex, Hubbard Yield, Hubbard Color
كتالوج النمو للهابرد
العمر(باليوم)
35
40
45
الوزن (كجم)
2122
2571
3009
معامل التحويل الغذائي (%)
1.62
1.71
1.81


2-     الروس : 
تتميز هذه السلالة من الكتكوت الابيض بتحملها لدرجات الحرارة العالية في فصل الصيف في العنابر ذات النظام المفتوح ويوجد عدة انواع للروس منها : روس 308 , روس 708 , روس ب م 3 .
الكتالوج الخاص بالسلالة روس 308
العمر(باليوم)
35
42
45
الوزن (كجم)
2113
2468
3046
معامل التحويل الغذائي (%)
1.576
1.719
1.78

3-     الايفيان :
يعرف الجميع ان درجات الحرارة في فترة التحضين للكتكوت عمر يوم تتراوح من 34 الي 35 درجة مئوية ولكن هذه السلالة لاتحتاج هذه الحرارة بل تفضل درجة حرارة معتدلة افضلها عند درجة حرارة 33 درجة مئوية  والرائج منها في مصر سلالة الايفيان 48 .

 4-      الكوب :
تمتاز هذه السلالة بانها بتعطي اوزان كويسة جدا اذا توفرت لها الظروف الملائمة مثل نظام الاضاءة الذي يصل الي 6 ساعات ظلام في نهاية الدورة ويوجد من هذه السلالة الكوب 500 , الكوب 700 .

الكتالوج الخاص بالسلالة كوب 500
العمر(باليوم)
35
42
45
الوزن (كجم)
2050
2712
3347
معامل التحويل الغذائي (%)
1.567
1.715
1.845

5-      اربو ايكرز :
تعتبر من اقدم السلالات المنتجة للحم في مصر ومنها سلالة اربو ايكرز بلس .
الكتالوج الخاص بالسلالة اربو ايكرز
العمر(باليوم)
35
42
49
الوزن (كجم)
2013
2637
3234
معامل التحويل الغذائي (%)
1.622
1.765
1.91

سلالات التسمين الحمراء :
الفراخ الساسو :
تعتبر من اشهر سلالات التسمين الحمراء المنتشرة في مصر وتتم تربتها في مصر بشكلين مختلفين فبعض المربيين بيحضنوها لحد عمر اسبوعين او 20 يوم وبيبعها بالجوز للاهالي بغرض التربية  وبيكون مكسبه كويس لو عرف يسوق الكتاكيت كويس وهناك بعض المزارع او المربيين بيربو الفراخ الساسو لحد عمر شهرين او 55 يوم وبيبعوها لحم بالكيلو حيث يصل وزن الفرخة عند عمر شهرين 2 كيلو تقريبا ويوجد نوعين للكتاكيت الساسو هما ساسو جيل اول وينتج من تهجين ذكر جيل اول مع انثي جيل اول وتستهلك 4.5 كجم علف لتصل الي 2 كجم عند عمر 60 يوم , اما الساسو جيل تاني فينتج من تهجين ذكر جيل اول مع  انثي جيل ثاني وتستهلك 5 كجم من العلف لتعطي وزن 1 كجم عند عمر 70 يوم , ويتميز كتكوت الجيل الاول عن كتكوت الجيل الثاني بالأتي  فيكون اكثر مقاومة للامراض واكثر مناعة واعلي في معدل التحويل واكتساب الوزن ويكون سعر كتكوت الجيل الاول اغلي من الجيل الثاني  ونسبة الوفيات في الجيل الاول تكون قليلة عن الجيل الثاني .








هناك 128 تعليقًا:

  1. شرح جميل ومفيد شكرا لمقدم هذا الموضوع ارجو شرح المساحات المطلوبه لمزرعة تضم ألف كتكوت لمبتدء ولكم جزيل الشكر

    ردحذف
  2. شكرا لحضرتك.... ألف كتكوت يحتاج عنبر 100 متر وبتحضن في تلت العتبر وبعدين بتزود المساحة تدريجيا حسب نمو الفراخ وظروف التهوية عندك عشان توصل في الأخر الي (10 كتكوت لكل متر مربع) ولو زودت شوية احسن برضو
    والسقايات( سقاية لكل 50 كتكوت) والعلافات(طبق تحضين لكل 40 كتكوت)وكل ما العمر بيزيد بتزود سعة السقايات(فيه سقايات 8 لتر)وبعد عمر 10 ايام بتغير اطباق التحضين وتحط علافات

    ردحذف
  3. انا مبتدأ رأيك اربي ساسو و لا ابيض

    ردحذف
  4. انا مبتدأ رأيك اربي ساسو و لا ابيض

    ردحذف
    الردود
    1. لا الأفضل ابتدي ابيض الاول لان دورة الربح بتاعته سريعة عن الساسو وتسويقه اسهل علي ماتاخد خبرة في المجال

      حذف
  5. ارجو التوضيح
    لقد قمت بتربية عدد من الكتاكيت (ابيض) ومات ثلثهم ولا اعرف السبب ماتوا بدأو في الوفاة من عمر 2 ايام حتي عمر 10 ايام ارجو الأفادة والتوضيح حتي لا يحدث مثل هذه المشكلة وشكرا

    ردحذف
    الردود
    1. طيب حضرتك العدد كان كام والمكان اد ايه وهل كان فيه اسهال ولونه ايه والتهوية والفرشة كانت عاملة ايه (ياريت تفاصيل اكتر علشان افيدك صح وانا تحت امر حضرتك)

      حذف
  6. السلام عليكم ورحمه الله وبركاته

    كنت عاوزة اسأل هو تكلفه المشروع ده كام اذاابتديت مثلا ب 20 كتكوت

    وهل ينفع ف اوضه مش بيدخلها شمس ؟

    وايه الاحتياطات اللي المفروض اخدها لتفادى الخساره ؟

    ردحذف
    الردود
    1. بصي حضرتك متوسط سعر الكتكوت الايام دي 7 جنيه والكتكوت بياكل من 3 الي 3.5 كيلو علف حسب شطارتك في التربية ونضافة المكان وان الفراخ متتعبش منك مش هيستهلك علف كتير وهيديكي وزن كويس وكيلو العلف بيتباع قطاعي ب 5جنيه هتجيبي 10 كيلو 23% اول 15 يوم ومن اليوم ال15 الي اليوم 25 ياكلو 20 كيلو علف 21% وبعد كدة لحد مايتدبحوا بياكلو علف 19% بس جيبي علف كويس

      حذف
    2. وهتدي اول 5 ايام مضاد حيوي زي نيوتراميسين فيه منه اكياس 20 جرام الكيس ب 5 جنيه وبعدين فيه زجاجات املاح معدنية وفيتامينات الزجاجة ب 5 جنيه برضو لمدة 5 ايام وبعدين كل اسبوع يومين فيتامينات واملاح معدنية وممكن تدي عند عمر 15 يوم جرعة للكوكسيديا والكولستيريديا بس مش عايزاتقل عليكي لان العدد صغير وعشان متكلفيش دوا كتير

      حذف
    3. واهم الحاجة المكان يبقي نضيف وتفرشي تحتهم شوية تبن او نشارة وتحطي فوسطهم لمبة ليل ونهار علشان ياكلوا وتدفيهم وهما صغيرين , وممكن تحطيهم في كرتونة وهما صغيرين بس متكونش صغيرة عليهم لان اهم حاجة برضو كل مايكبرو توسعي المكان ليهم ومتكتميش الجو عليهم يعني تدفيهم بس متخنقيهمش وياريت تحطي الميه في مسقة في مسقة لتر صغيرة ب 4 جنيه تقريبا علشان ميغرقوش نفسهم ويتعبوا ومتحطيش علف كتير قدامهم علشان ميتبهدلش
      وعادي مفيش مشكلة ان الاوضة مفيهاش شمس بالعكس احسن لان الجو اصلا بقي حر والشمس حامية عليهم
      وحضرتك لو فيه اي استفسار او مشكلة انا تحت امرك

      حذف
  7. جزاك الله خيرا كثيرا

    بس معلش هتقل عليك كمان دلوقتى عاوزة اعرف ال 20 كتكوت دول بياخدوا قد ايه ميه للشرب ؟
    وكمان عاوزة اعرف احط كميه علف قد ايه ؟
    وهل سقايه واحده وعلافه واحده تكفي ؟
    وشكرا ليك للتوضيح

    ردحذف
    الردود
    1. حضرتك هو فيه طريقة لحساب كمية الميه المستهلكة كل يوم بس العدد اللي عندك صغير مش مستاهل انتي هتحطي ربع السقاية كفاية كل يوم والميه اللي هتفيض كل يوم ترميها وتاني يوم تحطي ميه جديدة
      والسقاية الواحدة تكفي العدد ده في العمر الصغير بس لما هيكبروا ان شاء الله هيحتاجه سقاية كمان علشان الحر وعلشان ميتزاحموش علي المية ويعطشوا
      ولكن العلافة الواحدة لل 20 كويسة بس لو زودتي واحدة كمان لو المكان مساعد مش مشكلة

      حذف
  8. طيب انا لقيت حضرتك رادد قبل كده علي اسئلتى
    بس في سؤال كمان ايه افضل فصيله ؟
    ولو تكرمت اسم العلف لانى اول مره اربي حاجه غير القطط والكلاب !!

    ردحذف
    الردود
    1. حضرتك هو فيه سلالات كتيرة حلوة بس المهم انها تكون من مصدر موثوق انا شخصيا بحب سلالة الروس زي روس الوادي في الصيف بالذات لانه بيتحمل الحر شوية وعندك الكب زي كب الوطنية برضو جميل جدا والايفيان حلو برضو اهم حاجة انه يكون مصدر موثوق
      وممكن تعرفي اسعار الكتاكيت بالظبط كل يوم من علي الموقع هنا علي الرابط ده
      http://poultrystocktoday.blogspot.com/2016/05/2016_1.html
      وفيه اعلاف كتيرة حلوة بس علي حسب لاانواع المتوفرة في المنطقة عندك في مثلا علف البركة او علف الوادي او علف فيدميكس وكل مرحلة ليها نسبة بروتين زي ماقولت لحضرتك قبل كده
      واول ماتجيبي الكتاكيت تحطيلهم 3 اكياس محلول جفاف من الصيدلية البشري علي لتر ميه وتاني يوم تبداي تحطي المضاد الحيوي زي ماقولنا
      ولو فيه استفسارات تاني تحت امرك

      حذف
  9. ممكن الادويه التي توضع في المياه من عمر يوم حتي نهايه الدوره بالتفصيل لعدد 100 كتكوت ولك جزيل الشكر

    ردحذف
  10. حضرتك 100 كتكوت عدد مش كبير فحرام تصرف ادوية كتير بس اهم حاجة تنضف المكان كويس وتطهره وتفرش الجير والنشارة وتظبط الحرارة والتهوية
    واول يوم عند استقبال الكتاكيت هتحط 5 أكياس محلول جفاف من الصيدلية البشري علي 4 لتر ميه لمدة 12 ساعة
    بعد كدة هتحط مضادحيوي زي الفلوريكول مثلا 12 ساعة كل يوم لمدة 5 ايام وال 12 ساعة التانية تحط أملاح + أد3ه لمدة 5 أيام
    وبعد كدة لو ظهرت معاك كولستيريديا ممكن تحط اموكسيسيللين مع فلاجيل لمدة 3 أيام
    وفي اليوم 15 تحط جرعة كوكسيديا زي الامبرول لمدة 3 ايام
    وفي اليوم 17 تحط مضاد حيوي تنفسي زي الدوكسي او التايلوزين
    وبعد كدة كل اسبوع يومين مضاد حيوي ويومين أملاح وفيتامينات
    واي مشاكل تظهر معاك انا تحت امر حضرتك بس انا مش عايز اكلف حضرتك كتير في الدوا علشان الادوية غليت دلوقتي ولو صرفت ادوية كتير هتلاقيهم اتكلفو زيادة عند المعتاد بكتير فأهم حاجة نضافة المكان والفرة والتهوية

    ردحذف
  11. السلام عليكم لوسمحت انا جبت الفلوريكول ولكن البيطري اعطاني فيتامينات وقال لازم يخلطو مع بعض 1 +1 / التر لمده 5 ايام علي مدار 24 ساعه هل تنصحني بكده ولا يكون كل نوع علي حدا 12 ساعه بالتبادل حتي لا يحدث تفاعل غير مرغوب وهل يمكنني اضا فه كالسيوم بعد اليوم الخامس ومضاد سموم في اليوم التاسع مثلا ولا مش مشكله واسف علي الاطاله وشكرا

    ردحذف
  12. لا حضرتك حط الفلوريكول 12 ساعة لوحده وبعدين حط فيتامين أد3ه + أملاح معدنية 12 ساعة(بيبقي فيها كالسيوم) 12 ساعة لمدة 5 أيام
    وخلي مضاد السموم شوية لما الفراخ تكبر مش دلوقتي


    ولو فيه حاجة تانية انا تحت امرك

    ردحذف
  13. لو سمحت كنت برجو افادتي
    بفكر أبداء اربي 500 كتكوت في بطاريات تسمين المساحه المناسبه لهم كم متر ?
    والمكان التهويه فيه مش مثاليه بس ها اركب لهم شفاط كبير

    ردحذف
  14. لو سمحت كنت برجو افادتي
    بفكر أبداء اربي 500 كتكوت في بطاريات تسمين المساحه المناسبه لهم كم متر ?
    والمكان التهويه فيه مش مثاليه بس ها اركب لهم شفاط كبير

    ردحذف
  15. لو سمحت كنت برجو افادتي
    بفكر أبداء اربي 500 كتكوت في بطاريات تسمين المساحه المناسبه لهم كم متر ?
    والمكان التهويه فيه مش مثاليه بس ها اركب لهم شفاط كبير

    ردحذف
  16. حضرتك نظام البطاريات كويس جدا في التربية بس بيبقي غالي , اما بالنسبة للمساحة فهي حسب نوع البطارية وحسب الشركة فيه مقاسات مختلفة حسب السلالة أو كان بياض او تسمين وفيه بطاريات دور واحد وبطاريات أكتر من دور
    والتهوية مهمة طبعا ممكن توسع الشبابيك شوية وتركب شفاطات برضو
    ولو حضرتك لسه بادئ تربي اول مرة ممكن تربي علي الأرض وتهتم بالنظافة والفرشة والتهوية وخلاص
    والمساحة ل500 كتكوت علي الارض هي من 50 الي 60 متر
    واي استفسار انا تحت امرك

    ردحذف
  17. لو سمحت ممكن برنامج اضافات مياه لعدد 250 : 300 كتكوت وهل يستهلو تحصينات ولا هما عدد قليل وشكرا

    ردحذف
  18. اهلا يااستاذ احمد
    بص حضرتك أول ماالكتاكيت تيجي هتحط 8 ساعات محلول جفاف في الميه
    وبعدين هتحضر علي فلوريكول 12 ساعة وفيتامينات أد3ه+املاح معدنية 12 ساعة لمدة 5 أيام
    وفي اليوم ال 14 و 15 هتحط جرعة أمبرول+أموكسيسيللين كوقاية للكوكسيدياوالكولستيريديا بس ممكن يجيلك كولستيريديا قبل كدة وساعتها هتحط 1 سم فلاجيل بشري +اجم اموكسيسيللين +20 سم خل علي لتر ميه 3 سقوات علي 3 أيام
    وفي اليوم 17و18و19 هتحط مضاد حيوي تنفسي زي اريثرومايسين
    وكل 10 ايام تدي جرعة كولستيريديا وكوكسيديا
    وتتابع معاهم بالفيتامينات(أد3ه و ه سيلينيوم والاملاح المعدنية)علي الأقل يومين في الأسبوع
    وبس عشان مش عايز اكتر عليك ولكن لو اي اعراض مرضية ظهرت عليهم ساعتها نبقي نحط دوا حسب المرض
    واهم حاجة التهوية والفرشة تفضل نضيفة ومش مبلولة
    ولو ظهرت معاك حاجة انا موجود

    ردحذف
  19. انا في الحقيقه عاجز عن الشكر
    شكرا جزيلا

    ردحذف
  20. السلام عليكم ورحمة الله وبركاته ..انا لسه بادئ بـ 20..كتكوك كتجربة ..وسمعت انه ممنوع تغيير الفرشه تحتهم نهائيا (نشارة خشب) فهل هذا حقيقى ام حسب مافهمت من ردود سيادتكم ..ممكن تغيرها كلما لزم الامر

    ردحذف
    الردود
    1. لا حضرتك عادي الفرشة بتتغير لما تبوظ من الميه وغيره وده الافضل خصوصا ان العدد صغير وهيبقي سهل لكن هي المشكلة الوحيدة في الموضوع هي انك وانت بتشيلها ممكن تعمل عفرة واتربة كتير وتتعب الفراخ بالاضافة الي اجهاد الفراخ ولكن لو شيلتها بنظام من غير ماتتعب الفراخ بيبقي افضل للفراخ

      حذف
  21. لو سمحت انا ناوي ان شاء الله تاجير مزرعة وهربي عدد 1000 كتكوت في البداية بس طالب من حضرتك برنامج تربية الفراخ من عمر يوم حتي البيع ودرجات الحرارة
    وفي ناس الايام دي العنابر بتاعتها ماتت كلها وبيقولوا ان السبب هو فيرس نيوكاسل عصبي ممن لو سمحت توضيح افضل علاج النيوكاسل

    ردحذف
  22. لو سمحت أنا مربي ٢٥ كتكوت أعمل ايه للفرشة علشان بتتبل بسرعة وريحتها بتبقى وحشة

    ردحذف
    الردود
    1. ازيك يااستاذ محمد وكل سنة وانت طيب
      حضرتك عشان تمنع بلل الفرشة لازم تظبط التهوية كويس والمكان ميبقاش مكتوم وتحافظ ان مفيش ميه تقع من السقايات
      بس طالما الفرشة باظت خالص دلوقتي الاحسن انك تغيرها والموضوع سهل ل25 كتكوت مش هيحتاج حاجة يعني وبعد كدة لو مية وقعت حولين السقايات بتغير الفرشة اللي تحت السقاية واهم حاجة زي ماقولتلك فالاول التهوية الكويسة وتوسع للكتاكيت المكان كل مايكبروا

      حذف
  23. الاستاذ الفاضل ياريت نعرف قصة امهات الدواجن اناعندى معمل ومحتاج بيض مخصب يطلع كتكوت كب

    ردحذف
  24. السلام عليكم ،، يستحيل ان تصل اوزان الدواجن الى ٢٠٠٠ كيلو خلال ٣٥ يوم ،، اعتقد انك بالغت بالرقم. وشكراً

    ردحذف
    الردود
    1. لا بتوصل 2 كيلو عادي لو الكتكوت كويس والدورة ماشية صح

      حذف
  25. لو سمحت يا استاذ احمد انا هبدا بتربيه 500كتكوت عايز اعرف عايزن اد ايه سقايات وعلافات واجيب اد ايه علف والتحصينات ايه بالكميه لو سمحت

    ردحذف
    الردود
    1. اهلا يااستاذ ايمن ال 500 كتكوت هيحتاجوا 10 سقايات(سعة 4 لتر مثلا) و12 طبق تحضين وياريت تحضن الكتاكيت علي اوضتين لو هتربي فشقة وبعد 10 ايام او قبل كدة بيومين مثلا تشيل اطباق العلف وتحط مكانهم العلافات
      اما بالنسبة للعلف هتاكل اول اسبوعين 250 كيلو علف 23 % ومن اليوم 15 لليوم 25 هتأكل 500 كيلو علف 21 % وبعد كدة لحد نهاية الدورة هتاكل علف 19 % حوالي 800 كيلو او اكتر شوية حسب مدة الدورة بس متجيبش العلف كله مرة واحدة لان العلف رفع جامد وكل يوم بسعر فممكن باذن الله ينزل فجيب كميات صغيرة

      حذف
  26. السلام عليكم ورحمه الله وبركاته اللله يبارك فيك على معلوكاتك وعايزه اعرف محلول الجفاف ليه بيعمل ايه ؟؟؟؟؟؟ شكرا......

    ردحذف
    الردود
    1. شكرا لحضرتك جنة الرحمن
      بصي حضرتك الكتاكيت اثناء التفريخ في المعامل بتتعرض لدرجة حرارة عالية ةده بيسبب فقد جسم الكتكوت للسوايل والاملاح والطاقة والمعادن اللي عنده علشان يقدر يخفف من درجة حرارة جسمه كمان الاجهاد اللي بيتعرضله اثناء نقله من معمل التفريخ الي اماكن التوزيع والي المزارع وده بياخد وقت طبعا وبيسبب فقد للطاقة والاملاح من الجسم وده كله بيسبب همدان و ضعف في الكتكوت وقلة شهيته للأكل واحتمال تعرضه للجفاف
      علشان كده لما بستقبل الكتاكيت بحط محلول جفاف في المياه عشان اعوض النقص في السوايل والاملاح المعدنية والطاقة اللي فقدها وكمان ازود شهيته للأكل والشرب واقلل من الاجهاد اللي اتعرضله علشان يوصل للمزرعة ويبدأ يفرفش وينتشر في المكان

      حذف
  27. لو سمحت استاذ احمد
    انا عندى عنبر بيسغ 2000 فرخ وزرعتة اول دورة ابيض والحمد للة مفيش خسارة هى لمت نفسها بسبب الاسعار البيظة
    المهم انا بفكر ازرع ساسو بس مش عارف طريقة تربيتة وفى نفس الوقت خايف من التسويق ياريت تفدنى وتقلى اعمل اية وبو زرعت ساسو يكون لك الشكر ان وضحت لى طريقة تحضينة وادويتة وشكرا لك

    ردحذف
  28. لو سمحت استاذ احمد
    انا عندى عنبر بيسغ 2000 فرخ وزرعتة اول دورة ابيض والحمد للة مفيش خسارة هى لمت نفسها بسبب الاسعار البيظة
    المهم انا بفكر ازرع ساسو بس مش عارف طريقة تربيتة وفى نفس الوقت خايف من التسويق ياريت تفدنى وتقلى اعمل اية وبو زرعت ساسو يكون لك الشكر ان وضحت لى طريقة تحضينة وادويتة وشكرا لك

    ردحذف
    الردود
    1. ازيك يااستاذ سعد
      بص حضرتك تربية الساسو تقريبا زي الابيض بس الدورة بتتأخر شوية لو هتبيع بالكيلو لان دورة الساسو 60 يوم , وفيه ناس بتخرج الساسو علي عمر عشرين يوم الفرخ بيبقي حوالي 400 - 500 جرام وبيبعوهم بالجوز وبيبقي مكسبهم كويس جدا بس لو عرفت تسوقهم كويس وميقعدوش عندك لكن لو عدد كبير ممكن تجيب تاجر يشيلهم بسعر البورصة
      عموما الساسو حلو بس فيه اهالي و ناس كتير لسه متعرفش الساسو فبيستغربوه لكن لو جربوه في الاكل بيحبوه ويفضلوه عن الابيض لان لحمته قريبة من البلدي
      واهم حاجة في اي مشروع التسويق
      وانا ان شاء الله بجهز موضوع عن برنامج للتحضين والتحصينات للفراخ البيضة والساسو لان في ناس كتيرة بتطلب الطلب ده وهنزله قريب ان شاء الله

      حذف
  29. لو سمحت يا استاذ احمد
    انا هجيب حوالى ٨٠ كتكوت فى اوضة بيدخلها الشمس هل فى اول الايام اقفل الاوضة كلها يعنى الشبابيك وكدا ولا اعمل اية ارجو الافادة

    ردحذف
    الردود
    1. ايوه طبعا اقفل الشبابيك عشان تدفي الاوضة كويس لان الجو بقي ساقعة وحط لمبة في وسطهم عشان تنورلهم وتدفيهم كمان وحجز عليهم في ركن في الاوضة وافرش تحتهم نشارة او تبن وكل مايكبروا شوية وسع لهم المكان
      اهم حاجة في الجو ده تدفي الكتاكيت اهم من الاكل

      حذف
  30. استاذ احمد هل كتكوت التسمين ينتج بيض وبعد كام اسبوع ونقدر نفرخ البيض دة

    ردحذف
  31. الاستاذ احمد ياريت نعرف قصة امهات الدواجن التسمين

    رد

    ردحذف
  32. استاذ احمد هل كتكوت التسمين ينتج بيض وبعد كام اسبوع ونقدر نفرخ البيض دة

    ردحذف
  33. الاستاذ الفاضل لوسمحت رد علي سؤالي ولك جزيل الشكر

    ردحذف
    الردود
    1. ازيك يااستاذ محمد
      كتكوت التسمين بينتج بيض بعد خمس شهور بس بيضه عزيز اوي يعني مش بيبيض كتير لان ده كتكوت هجين من سلالات تانية اللي هي امهات التسمين بيجيبوا بيض من سلالة معينة زي اللوهمان مثلا ومخصب من ديوك من سلالة اخري علشان يدي كتكوت تسمين الهدف الاساسي منه اللحم وليس البيض
      اما بالنسبة لتفريخ البيض بيبقي سهل بس المشكلة انك تعرف تجيب البيض المخصب ده من مزرعة موثوقة وتوديه معمل محترم يفرخلك البيض , بس المشكلة ان المزارع بتبقي متعاقدة مع معامل وشركات كبيرة بتديهم بيض باعداد كبيرة فصعب انها تخرج لك عدد صغير .
      وممكن حضرتك تجيب فراخ الامهات دي تبقي بتاعتك وتفرخ منها لحسابك وموجود كتير في مصر

      حذف
    2. ازيك يااستاذ احمد
      ياريت حضرتك توصلني لمكان فراخ الامهات الكب عشان افرخ منها كتكوت تسمين علي فكرة عندي معمل صغير
      ولك جزيل الشكر الاستاذ الفاضل

      حذف
  34. عندى 40 فرخ ابيض عمرهم 30 يوم ووزنهم كيلو ما السبب فى تأخر نموهم

    ردحذف
    الردود
    1. حضرتك ده ليه اسباب كتير ممكن يكون تعبوا منك وهما صغيرين جالهم اسهال او دور برد او عرقوا منك وهما صغيرين او المكان كان صغير عليهم او الكتكوت مش حلو او بتاكل علف غلط

      حذف
  35. بسم الله الرحمن الرحيم ...انا ليا استفسار ..انا اشتريت ساسو بقالو عندي شهر في العشه حوالي عشرين ...خدو مني علف بادي حوالي 13 كيلو .وعمرهم لما اشتريتهم حوالي 15 يوم ...دلوقتي ونهم 245 جرام ...الي 660 جرام ده كويس ولا ايه الغلط...انا تعبت

    ردحذف
    الردود
    1. ازيك يااستاذ أشرف
      لا ده كتكوت تعبان او هما تعبوا منك وحضرتك اهملت فيهم المفروض علي عمر 45 يوم زي ماحضرتك بتقول يكونوا قربوا علي 2 كيلو

      حذف
  36. والله مفيش حاجه تعبت ومش بدي دواء علشان النظافه كل يوم والحراره كويسه بلكونه مقفوله تماما وهما داخل عشه وفيها لمبه مطلعه حراره مظبوطه وحركتهم كويسه جدا ...وبديهم محفز نمو .بياكلو علف بهبل وروحت للدكتور في المزرعه حلف انهم فرز اول

    ردحذف
  37. والله مفيش حاجه تعبت ومش بدي دواء علشان النظافه كل يوم والحراره كويسه بلكونه مقفوله تماما وهما داخل عشه وفيها لمبه مطلعه حراره مظبوطه وحركتهم كويسه جدا ...وبديهم محفز نمو .بياكلو علف بهبل وروحت للدكتور في المزرعه حلف انهم فرز اول

    ردحذف
    الردود
    1. لو عمرهم 45 يوم زي ماحضرتك قولت والوزن كده يبقي خسارة فيهم الاكل

      حذف
  38. طب ايه الحل ..بحطلهم محفز نمو وبياكلو كتير ..اعمل ايه باه

    ردحذف
  39. ملحوظه .الكتاكيت بلدي

    ردحذف
    الردود
    1. لا طالما بلدي يبقي وزنهم طبيعي لان البلدي اوزانهم بتبقي صغيرة وبتيجي علي عمر كبير يعني بياخدوا وقت كبير

      حذف
  40. ازيك يااستاذ احمد عندي ٢٢٥ فرخه تسمين عمر ٣٠ يوم وفي كولستريديا على خفيف بس بتزيد هل ينفع اديهم محلول جفاف مع فلاجيل بشري الرجاء الرد وفي شبه صرخه ولكم جزيل الشكر

    ردحذف
    الردود
    1. اهلا يااستاذ امير
      حضرتك عرفت انها كولستريديا ازاي ؟ عموما لو متأكد اديهم امبيسيللين مع الفلاجيل البشري واديهم سلفاكينوكزالين كمان
      وعلشان صدرهم لو وزنهم كويس ومش متأخرين حطلهم تيلوزين مع دوكسي سيكلين سقوة وعلاج الكولستريديا سقوة لمدة 4 ايام

      حذف
  41. انا عايز اربي و خايف من النتيجة علي فكرة انا متابع لجميع موضوعاتك بس لسه خايف

    ردحذف
    الردود
    1. ازيك يااستاذ احمد
      حضرتك لو ناوي تربي ابدأ بعدد صغير الاول علي ماتعرف نظام التربية والسوق اما بالنسبة للخسارة والمخاطرة بيحصل امر واقع هنعمل ايه ربنا يسترها احنا بنعمل اللي علينا وخلاص

      حذف
  42. انا سمعت ان الكثير من المزارع خسرت فلوس كتير بسبب زيادة اسعار العلف هل هناك ما يسمي بالبورصة للاعلاف

    ردحذف
  43. انا سمعت ان الكثير من المزارع خسرت فلوس كتير بسبب زيادة اسعار العلف هل هناك ما يسمي بالبورصة للاعلاف

    ردحذف
  44. انا سمعت ان الكثير من المزارع خسرت فلوس كتير بسبب زيادة اسعار العلف هل هناك ما يسمي بالبورصة للاعلاف

    ردحذف
  45. و شكرا لمعلوماتك القيمة

    ردحذف
  46. السلام عليكم انا عاوز اعرف مكان كويس اجيب منو كتاكيت بس عمر 14 يوم وهل لما اجيبو 14 يوم افضل او عمر يوم واحد افضل وشكرا

    ردحذف
    الردود
    1. وعليكم السلام يااستاذ طارق
      صعب انك تلاقي كتاكيت بيضة عمر 14 يوم وتكون من مصدر موثوق فيه
      هو حضرتك منين ؟

      حذف
  47. السلام عليكم
    جزاك الله كل خير
    ممكن حضرتك جدول من اول يوم حتى نهايه الدوره من ادويه وانواعها والجرعه لكل لتر لعدد ٥٠٠ كتكوت وافضل انواع الكتاكيت للتسمين

    ردحذف
  48. السلام عليكم
    جزاك الله كل خير
    ممكن حضرتك جدول من اول يوم حتى نهايه الدوره من ادويه وانواعها والجرعه لكل لتر لعدد ٥٠٠ كتكوت وافضل انواع الكتاكيت وأفضل الامكان ممكن التعامل معها لشراء الكتكوت في الإسكندرية أو البحيره
    برجاء الرد وشكرا لسعة صدرك

    ردحذف
  49. السلام عليكم عوزه اعرف ازي اعرف الكتاكيت الساسو الجيل الاول من الجيل التاني انا اول مره اربي دجاج ساسو عندي 25 كتوت وصغيرين اوي بالنسبه للابيض ربيت مره واحده بس قبل دول وكانو ابيض

    ردحذف
  50. عبد القادر18 أبريل، 2017 6:49 م

    السلام عليكم ورحمة الله وبركاته
    أن شاء الله هأبدأ دورة 300 كتكوت وعند كذا استفسار
    المساحة اللى هأحضن فيها منفصلة عن المساحة اللى هنقل الفراخ ليها بعد ما تكبر
    عايز اعرف المساحة المناسبة للتحضين ل 300 كتكوت تبقى كام
    وهل فى الأيام الأولى ادفيهم برضه كويس رغم أن الجو اليومين دول حر ولا اخلى الشبابيك مفتوحة
    وانقلهم للأوض الواسعة بعد كام يوم
    وهل ينفع بعد ما انقلهم للأوض الواسعة أطهر مكانهم وابدأ دورة جديدة على طول
    وايه أفضل طريقة للتطهير
    شكرا مقدما وجزاك الله خيرا على معلوماتك وتعاونك معنا

    ردحذف
    الردود
    1. وعليكم السلام
      حضرتك 300 كتكوت هيحتاجو مساحة 30 متر ولو اكتر يبقي افضلو هتحضن وهما صغيرين ف 10 متر وكل مايكبرو هتزود المساحة بالتدريج
      ولازم في الايام الاولي تدفي كويس وتظبط الحرارة بالترمومتر وحسب المكان اللي هتحضن فيه علق الترمومتر فمستوي الكتكوت وشوف الحرارة ايه واكيد هتحتاج دفاية فالاول لان الحراة المطلوبة فالاول 34 او 35 وممكن يبقي فيه تهوية غير مباشرة اهم حاجة ميبقاش تيار شديد وتبقي تهوية بسيطة والحراة تفضل مظبوطة
      ومينفعش تحضن كتاكيت تاني وفيه فراخ كبيرة الافضل تستني لما الدورة تخلص علشان تطهر كويس

      حذف
  51. عبد القادر20 أبريل، 2017 6:14 ص

    شكرا يا استاذ أحمد
    انا جبت الكتاكيت امبارح وكانت الحرارة فى الغرفة 28 وشغلتلهم دفاية وسبتها شغالة طول الليل شوفتهم من شوية ( الساعة 6 صباحا ) لقيت الحرارة 43 هل تأرجح درجة الحرارة ده هيضرهم وهل واجب انى أحافظ على معدل حرارة 35 طول الوقت ولا فيه رينج مسموح بيه

    ردحذف
    الردود
    1. ايوه حضرتك كدة غلط كان مفروض توطي الدفاية لحد ماتوصل لدرجة الحرارة والمفروض في الايام الاولي تدخل كذة مرة علشان تشوف الحرارة والكتاكيت وتتابعهم طول اليوم

      حذف
    2. عبد القادر20 أبريل، 2017 6:56 م

      ربنا يستر عليهم
      عموما بعد ارتفاع درجة الحرارة لقيت كتكوت واحد هو اللى مات والنهادة انا محافظ طول اليوم على حرارة ما بين 30 إلى 35
      انا بأديهم فلوروكول فى الصباح و أ د ه 3 فى المساء
      هل فيه حاجة تانية اديهالهم علشان يتلافى آثار تغيير الحرارة اللى حصل ده
      ولا خلاص كده التأثير حصل وهيأثر على نموهم

      حذف
    3. لا كويس كدة اهم حاجة تحافظ علي الحرارة والتهوية

      حذف
    4. شكرا جزيلا يا دكتور احمد

      حذف
  52. النهاردة اليوم السادس فى عمر الكتاكيت
    هل استمر على درجة حرارة 35 ولحد امتى
    بعض الكتاكيت عندها إسهال ابيض هل استمر على الفلوريكول
    انا أديت فيتامين اد5ه لمدة 5 أيام هل استمر ولا كفاية كده

    ردحذف
    الردود
    1. لا المفروض تبدأ تنزل الحرارة بالتدريج وحسب المكان عندك والتهوية واهم حاجة الكتاكيت تكون مفرفشة ومنتشرة في المكان مش لمين علي بعض
      والافضل ان حضرتك تتابع مع دكتور قريب منك علشان العدد كبير والتكلفة عاليةوتتابع معاه بصف مستمرة لاني ساعات ببقي مشغول وبتأخر علي ما ارد
      وانا مع حضرتك علي قد ما اقدر

      حذف
  53. كنت عاوز اربي عشر كتاكيت عندي بالشقه
    اعمل ايه بالظبت من حيث الادويه والنظافه والتدفئه والطهاره
    وكل شيء والانواع المهمه الي في القاهره الاقيها متوفره
    ومفيدة
    بالنسبة لواحد مبتديء مش يعرف حاجه

    ردحذف
    الردود
    1. ازيك ي دكتور
      حضرتك عشر كتاكيت مش هيحتاجو مكان كبير ممكن تشوف كرتونة كويسة وواسعة لحد مايكبرو شوية وهيحتاجو مصدر اضاءة طول اليوم ويتدفو وهما صغيرين ممكن تنزل اللمبة في الكرتونة شوية علشان تنور وتدفيهم بس متقفلش الكرتونة ع الاخر
      وهتجيب 5 كيلو علف 23 % واول ماييجو هتحط كيسين محلول جفاف علي لتر ميه 8 ساعات وبعدين المفروض تجيب كيس مضاد حيوي من اي صيديلية بيطري للتحضين زي فلوريكول مثلا وتحط منه 4 ايام
      وبعدين ممكت تجيب ازازة املاح معدنية وفيتامينات
      ولو ظهر معاك حاجة انا معاك

      حذف
  54. السلام عليكم
    لو سمحت انا مبتدأ فى تربيه الدوجن وعندى استفسار
    ينفع اربى الفراخ على ارض وطنيه
    وايه افضل نوع كتكوت تسمين اربيه
    والمكان المضمون الى اجيب الكتكوت منه وشكرا

    ردحذف
  55. السلام عليكم
    لو سمحت انا مبتدأ فى تربيه الدوجن وعندى استفسار
    ينفع اربى الفراخ على ارض وطنيه
    وايه افضل نوع كتكوت تسمين اربيه
    والمكان المضمون الى اجيب الكتكوت منه وشكرا

    ردحذف
  56. السلام عليكم
    انا مبتدأوكنت بتسأل ينفع اربى الفراخ على ارض طنيه ولا لزم تكون اسمنتيه
    وايه افضل الانواع التربيه للتسمين
    ولو تعرف مكان اجيب منه كتكوت مضمون وشكرا

    ردحذف
    الردود
    1. وعليكم السلام ازيك ي استاذ سعيد
      حضرتك مينفعش الكتاكيت علي ارض ترابية بس ممكن تحط عازل كويس فوق الارض زي كراتين تقيلة او اي حاجة تانية وبعدين تفرش على الكراتين شوية نشارة كويسين ولو عندك مكان اسمنتي او متبلط احسن
      بالنسبة للكتاكيت فيه الكب كويس والمكان بقى علي حسب حضرتك منين

      حذف
    2. السلام عليكم عاوز اعرف ازي الكتاكيت الساسو الجيل الاول من الجيل التاني

      حذف
    3. وعليكم السلام يااستاذ هشام
      حضرتك الجيل الثاني بيبقي اصغر من الجيل الاول في الحجم وكمان الجيل الاول هتلاقي نسبة الكتاكيت ام رقبة عريانة اكتر وكمان حسب المصدر اللي بتجيب منه

      حذف
  57. السلام عليكم ممكن اعرف انواع الكتاكيت البيضاء واحسن نوع فيها

    ردحذف
    الردود
    1. وعليكم السلام
      حضرتك فيه الكب - الروس - الهبرد - الايفيان - اي ار
      بالنسبة للاحسن فيه الكب والروس بس اهم حاجة يكون من شركة كويسة او مصدر موثوق

      حذف
  58. ممكن رقم حضرتك لتواصل

    ردحذف
  59. السلام عليكم
    والله حابب اعرف من حضرتك اكثر شركات للكتكوت موثوق منها وافضل كتكوت. ليها

    ردحذف
    الردود
    1. وعليكم السلام ي استاذ محمد
      حضرتك فيه الوطنية كويسة والوادي - العناني - الفجر
      واهم حاجة نظام التربية والمكان لانك ممكن تجيب كتكوت مفيش زيه وتبوظه عندك

      حذف
  60. السلام عليكماستاذ احمد اناان شاء الله هبدا تربية بعدد 100 فرخ بس فوق السطوح فى غرفة مصنوعة من الخشب طول 6 متر وعرض 2 متر ارتفاعها متر ونصف . المتر السفلى مسدود خشب والنصف متر العلوى معمول شبك سلك بداير الغرفة للتهوية فسؤالى لحضرتك فى الجو الحر دا ينفع التربية فوق السطح فى الجو الحر دا ولو ينفع حرارة الجو تكفى اثناء فترة التحضين والا لازم تدفأة تانية ولو دا تمام لما يكبروا درجة حارة الجو دى فى اليومين دول هتاثر عليهم والا اية واية افضل انواع الفراخ الى تتحمل درجات الحرارة العالية وف نفس الوقت بترمى اوزان عالية. ولك جزيل الشكر

    ردحذف
    الردود
    1. وعليكم السلام ي استاذ محمد
      حضرتك مساحة الاوضة كويسة بس المشكلة انها عالسطح فالحر هيبقى شديد واكيد الشمس هتبقى ضاربة ف الاوضة من كل الجهات فهتتعب الفراخ وممكن فايام التحضين تكتفي بحرارة الجو بس بردو حط ترمومتر وشوف الحرارة والانواع اللي بتستحمل الحر ممكن الكب والروص بس طبعا مش للدرجة يعني
      والقرار لحضرتك بردو

      حذف
  61. كريم عبدالله12 مايو، 2017 3:00 م

    السلام عليكم
    أولا جزاك الله عنا كل خير لهذا المجهود الذي تقدمه للجميع
    ثانيا أريد توجيه سؤال لحضرتك وهو
    أريد تربية 70 كتكوت نوع أربو
    ما رأيك في هذه السلالة ؟ وأريد الخطوات التي استفيد منها في فترة التربية وللعلم أنا جديد على هذا الأمر
    والتربية فوق السطوح على مساحة 10 متر مربع والتهوية شباك متر سلك أمام الباب والباب أيضا مقسم إلى خشب وسلك
    وأريد جدول من حضرتك أسير عليه فترة التربية
    ولك جزيل الشكر

    ردحذف
    الردود
    1. وعليكم السلام وكل سنة وحضرتك طيب ورمضان كريم
      الاربو كويس بس خليك ف الكب او الهابرد احسن ويكون من مكان كويس
      وال 70 كتكوت مش محتاجين برنامج علشان متكلفش نفسك كتير اهم حاجة نضف المكان وجهزه كويس واول ما تجيب الكتاكيت حطلهم محلول جفاف في الميه 8 ساعات وبعدين حط المضاد الحيوي اللي هتحضن عليه زي الفلوريكول مثلا وكمان فيتامينات أد3ه واملاح معدنية
      الفلوريكول 12 ساعة والفيتامينات والاملاح 12 سعة لمدة 5 ايام
      واهم حاجة تظبط الحرارة والتهوية والفرشة تفضل ناشفة وتأكلهم علف 23 % 15 يوم
      واي حاجة تظهر معاك انا مع حضرتك

      حذف
  62. السلام عليكم
    استاذ احمد انا بدأت بتربية 100 كتكوت من عمر يوم الي الان عمرهم 31 يوم ووزن الفرخة حاليا 1كيلو هل الوزن حاليا طبيعي ؟؟
    حصل عندي في فراخ مش بتتحرك كأنها عندها عجز في رجلها مش بتقوم خالص مع العلم اني رافع السقايات والعلافات عشان ياكلو ويشربوا وهما واقفين ف ارجو توضيح السبب ؟؟
    ازاي اعرف اميز بين كل سلالة الكتاكيت يعني اعرف ازاي ان دا كتكوت روس ولا هابرد ولا كوب وهما عمر يوم واحد ؟؟

    ردحذف
    الردود
    1. وعليكم السلام
      لا كدة الوزن عندك متاخر اوي
      والفراخ اللي مش بتقف دي ممكن يكون نقص كالسيوم واملاح وشوف كدة لو فيه اسهال او كاشين وريشهم واقف وبتاكل علف ايه؟
      وظبط التهوية علشان الحر ولو المكان ضيق عليهم وسعهلهم وحافظ علي الفرشة ناشفة

      حذف
    2. طب اعمل ايه عشان اظبط الوزن بتاعهم ؟؟
      بأكلهم علقة نامي الإيمان
      الأوضة اللي هما فيها 4*4 فيها باب سلك وشباك سلك بس الشباك مساحته حوالي 1x1.5 او 1.5x1.5 مش فاكر بالظبط
      والأوضة شباكها قبلي والباب بحري وبالليل بقفل الباب الخشب عادي وبسيب تهوية من الشباك بس مش كبيرة وحاططلهم لمبة صفرا 200 وات والارضية لسه حاطط عليها تبن امبارح هل في اي حاجة اعملها تاني عشان اظبط الاوزان بتاعتهم واحميهم من الامراض ؟؟

      حذف
    3. والمعدل الطبيعي للاكل حتي الان المفروض يكونو اكلو كام كيلو من العلف من اول عمر يوم الي الان عمر 32 يوم ؟؟

      حذف
    4. اديهم علف 19% وجرب شركة البركة وبالنسبة للوزن هما متأخرين اوي فعلشان مضحكش عليك هما مش هيجيبوا الوزن اللي انت عايزه وهياخدوا وقت
      ممكن تديهم فيتامين ب ك كولين واحماض امينية يساعدهم مع العلف ولو ظهرت اي اعراض مرضية قولي
      المفروض يكونو استهلكو علف فالعمر ده من 2.5 الي 2.75 كيلو واللي اخر وزنهم يااما انت مشيت معاهم غلط من الاول وتعبوا منك او العلف مش كويس ليهم او الكتاكيت مش كويسة

      حذف
    5. انا فعلا لقيتهم في شوية منهم كاشين كدا وقاعدين ف جنب لوحدهم ولا بياكلو ولا بيشربوا ولقيت شوية تانين ريشهم واقف
      دا بسبب ايه وعلاجه ايه ؟؟
      اقصد المفروض مع الاوزان اللي موجودة عندي دي المفروض يكونو اكلو كام شكارة 50 كيلو يعني ؟؟

      حذف
    6. خلاص اديهم جرعة امبيسيللين(معلقة شاي)+سلفاكينوكزالين(معلقة شاي) + فلاجيل بشري شرب(10 سم) علي 5 لتر ميه بالنهار لمدة 3 ايام وبالليل اديهم الفيتامينات زي ماقولتلك

      حذف
  63. لو سمحت انا عايز اعرف الاختلاف الكبير في اوزان الفراخ بيبقي جاي منين وعلاجه ازاي مع العلم انه ممكن يوصل الاختلاف 1200 جرام لفراخ ليها نفس العمر

    ردحذف
  64. لوسمحت احسن أنواع العلف الفراخ البيضا

    ردحذف
  65. لو سمحت اية هو احسن انواع الكتاكيت البيضاء في الحر

    ردحذف
  66. السلام عليكم
    لو سمحت عاوزة اربى 300كتكون ابيض عندى غرفة 20 متر وفيها شباك هبتدى فيها وهو صغير وبعدين افتحلهم على مخزن مجاور للعرفة مساحتة 45 متر نصيحة حضرتك وافتحلهم بعد كام يوم

    ردحذف
    الردود
    1. وعليكم السلام
      حضرتك اهم حاجة يكون الكتكوت كويس ومن مصدر موثوق منه والمكان اللي هتربي فيه يكون نضيف ومتطهر كويس وتجهزيه قبل الكتاكيت ما تيجي وتستخدمي علف كويس من شركة محترمة
      هتحضني الكتاكيت ف نص الاوضة ال 20 متر وكل 3 او 4 ايام بتوسعي ليهم شوية و بنظرك بردو وعموما كل ماتوسعي بيبقى افضل للفراخ

      حذف
    2. استاذ احمد انا هربي ٣٠٠ كتكوت وعايز البرناج كامل ليهم علاج اكل معدات ونوع الكتكوت ومصدر موثوق للعلم انا من سوهاج وشكرا لحضرتك

      حذف
  67. السلام عليكم ورحمة الله استاذ احمد انا متابع معاك من اول الموضوع ومتابع ردودك فعلا حاضرتك انسان محترم بتحاول تخدم وتساعد الاخرين بدون مقابل فشكرا لك ولامثالك هستئذان حاضرتك انا ان شاء الله هبداء بعدد 100 او 200 كتكوت فاارجو من حاضرتك اسماء وعنوين شركات بيع الكتاكيت والاعلاف اللى حاضرتك بتثق فيهم وهل يوجد شركات قريبه من مدينة العاشر من رمضان ولا لا والشركات التى تواجد فى القاهرة ولو تكرمت علينا برقم تلفون حاضرتك او تتصل عليا على رقم 01159047297 ويكون لك جزيل الشكر ومش هننسى وقفتك ومساعدتك لنا

    ردحذف
  68. انا لسة جايب الكتاكيت امبارح ولسة قارئ نصايحك بالنسبة للادوية اجيب بعد مرور يوم المحلول؟

    ردحذف
  69. انا لسة جايب الكتاكيت امبارح ولسة قارئ نصايحك بالنسبة للادوية اجيب بعد مرور يوم المحلول؟

    ردحذف
  70. انا لسة جايب الكتاكيت امبارح ولسة قارئ نصايحك بالنسبة للادوية اجيب بعد مرور يوم المحلول؟

    ردحذف
    الردود
    1. وهل بعد كدا ابدأ في البرنامج العلاجي اللي انت اتكلمت عنه

      حذف
    2. خلاص ممكن تحضن علي فلوريكول 5 ايام وبالنسبة للتحصين هيبقى غالي بالنسبة للعد اهم حاجة يكون المكان اموجودين فيه نضيف ومطهر كويس وتكون فارش نشارة او تبن تحتهم ويفضل ناشف وحافظ على التهوية عشان الحر

      حذف
  71. اولا السلام عليكم ورحمه الله وبركاته بعد التحيه وربنا يجعله فى ميزان حسناتك فى طريقه نعرف بيها نوع الكتكوت علشان المعظم ترحله فى الشتا يقولك كاب ترحله فى الصيف يقولك روص وده لأننا بمشتريات كميات صغيره وكل العربيات اللى بتنزل شغل للتجار التجزئه مش مكتوب عليه اسامى شركات والسوائل التانى بعد اذن حضرتك كل ما تحول من علف لعلف يخدو وقت جامد عقبال مايتعودو عليه انا شغال على انطلاقه ٢٤ ده كويس ولا هيرمان ٢٣ولما احول احول على نوع ايه ومتاسف للاطاله

    ردحذف
    الردود
    1. وعليكم السلام واسف يجماعة اني مكنتش برد الفترة اللي فاتت على التعليقات لان كان فيه مشكلة فالموقع وكنت بعدلها
      حضرتك كتكوت الكب بيبقى فيه نقرة سودة موجودة على راس بعض الكتاكيت وحجم الكتاكيت بيبقى صغير اما الروص والهبرد حجمهم بيبقى اكبر شوية
      المهم انك تجيب من حد موثوق منه واتعاملت معاه كذة مرة
      بالنسبة للعلف الافضل انك تمشي بعلف شركة واحدة طول الدورة كلها عشان على الاقل فنهاية الدورة تعرف العلف ده كويس ولا لا وتأكل الاول 32% وبعدين 21% وبعدين 19%

      حذف
  72. السلام عليكم ورحمة الله
    ان شاء الله ناوى ابدأ ب 500 كتكوت على يوم 15/8
    اكيد هقفل الشبابيك علشان الشمس والحر اعوض التهوية ازاي يعني مراوح ولا افتح الشبابيك ولا اعمل ايه ولا استنى لاول سبتمبر

    ردحذف
  73. السلامه عليكم
    حضرتك أنا عندي مساحه فوق السطح عملتها نظام صوبه بلاستيك وحطيت فوق الابلاستيك سبايت غاب ع طبقتين مساحه الصوبه 10 ط*3.5ع*2.30 أر
    مع العلم أن الصوبه فيها خلايا تبريد 1.5*1من اتجاه الشرق وشفاط من اتجاه الغرب
    اي رأي حضرتك وهل ف اي حاجه أضافه الصوبه
    وأي النوع ترشحلي من الكتاكيت وأي نوع من العلف
    واضيف كام لمبه
    وهل فتره التحضين صيفا وشتآ تبقا درجه الحرارة 35
    وهل المساحه تاخد كام فرخه
    وجزاكم الله كل خير

    ردحذف

يشرفنا مشاركة تعليقك علي الموضوع