- - - - - - - - -
بورصة الدواجن اليوم الثلاثاء 23 مايو 2017
النوع السعر
سعر الابيض 30
سعر الساسو 31
الكتكوت الأبيض(أهالي) 3.75 - 8
الكتكوت الساسو 1.75 - 3
اضغط هنا لمعرفة سعر الكتكوت الأبيض(شركات) لبورصة الدواجن يوم الثلاثاء 23 مايو 2017
اضغط هنا لمعرفة أسعار بيض الدواجن يوم الثلاثاء 23 مايو 2017


أخبار الموقع

علاج الدواجن بالمضادات الحيوية (الموضوع الثاني)





اتكلمنا في الموضوع اللي فات عن مجموعة من المضادات الحيوية التي تستخدم بكثرة في مجال تربية الدواجن وهي  ستربتومايسين , نيومايسين , جنتاميسين , سبكتينومايسين وانهاردة باذن الله هنتكلم عن مجموعة البنسللينات .

يعتبر البنسيللين من أقدم وأقوي المضادات الحيوية التي تستخدم في الطب البشري  والطب البيطري لعلاج الكثير من الامراض في الحيوانات الكبيرة والفراخ والطيور الاخري وذلك لتاثيرها القاتل علي البكتيريا المسببة للأمراض حيث أنه يحرم الميكروبات من تكوين الجدار الخلوي الذي يحيط بها ليحميها ولينظم عمليات الأيض اللازمة لحياة ونمو البكتيريا فتقوم مادة البنسيللين بتدمير هذا الجدار الخلوي فتموت الخلية البكتيرية.

احنا قولنا ان المجموعة دي من المضادات الحيوية ( البنيسيللين )  بيشتغلوا علي  البكتيريا اللي عندها جدار خلوي  يحيط بها , معني كدة انها ملهاش اي تأثير علي البكتيريا اللي معندهاش جدار خلوي زي الميكوبلازما والفطريات عشان كدة مبستخدمهاش في علاج الميكوبلازما  , هنتكلم الاول عن مجموعة البنسللينات و طبعا مش هنتكلم عنها كلها ولكن هنتكلم عن اشهر مضادات حيوية من البنسيللينات بنستخدمها في علاج الدواجن وهي الأمبيسيللين , الأموكسيسيللين .

الأمبيسيللن  وهو مضاد حيوي واسع المجال له تأثير قاتل علي البكتيريا ويتميز عن بقية ادوية البنسيللين انه لا يتأثر بالحمض الذي يفرز من معدة الطائر لذلك يمكن استخدامه في مياه الشرب ويوجد في صورة بودرة تذوب في الماء ولكن زي ماقولنا قبل كدة ان الامبيسيللين بيمتص من المعدة بدرجة  متوسطة ولكن اول مابيوصل للدم بيشتغل بسرعة وبيوصل لأعلي تركيز له في الدم في خلال 1 – 2 ساعة  , ويكون له تأثير جيد علي البكتريا موجبة الجرام زي استافيلوكوكس  والكولستيريديا وهي بكتيريا  موجبة لاهوائية (وتعتبر من اهم البكتيريا التي تسبب خسائر في بورصة الدواجن) وايضا له تأثير علي البكتيريا السالبة لصبغة الجرام زي السالمونيلا التي تسبب مرض الاسهال الأبيض  والاي كولاي التي تسبب التهاب السرة في الكتاكيت الصغيرة  , و بكتيريا الياستيريلا التي تسبب مرض الكوليرا , وميكروب الهيموفيلاس الذي يسبب مرض الكوريزا المعدي .

الجرعة يعطي بجرعة 20 – 30 مللي جرام مادة فعالة لكل 1 كيلوجرام لحم حي , يعني بجرعة 1 جرام / 1 لتر من مياه الشرب




 الأموكسيسيللين  وهو مضاد حيوي واسع المجال له تأثير قاتل علي البكتيريا وبيشتغل علي البكتيريا الموجبة زي الكولستيريديا والاستافيلوكوكس والبكتيريا السالبة زي  السالمونيلا والاي كولاي والهيموفيلاس  وايضا بيشتغل ضد البكتيريا التي تصاحب الأمراض الفيروسية والفطريات ويستعمل في مياه الشرب ويوجد في صورة بودرة أو سائل و لا يستخدم في العلف لانه بيكون غير ثابت في العليقة  وتكون  الجرعة حيث يعطي الأموكسيسيللين  في مياه الشرب بمعدل 10 – 15 مللي جرام / 1 كيلو جرام وزن حي .

لما بنيجي نعالج الكولستريديا بنستخدم الامبيسيللين مع الفلاجيل او ممكن نستخدم الاموكسيسيللين مع الفلاجيل البشري  او فيه مستحضر بيطري بيضم الفلاجيل مع الاموكسيسيللين وبيكون ممتاز جدا للكولستريديا اسمه فلاجيموكس 20 % بيتحط في المية بجرعة 1 جم / لتر مية  وبيبقي افضل من استخدام الامبيسيللين وده لان الاموكسيسيللين من اسرع المضادات الحيوية التي تمتص من المعدة بخلاف الامبيسيللين فعشان كدة بيشتغل اسرع من الامبيسيللين وبديه بجرعة اقل من الامبيسيللين و ان شاء الله هنكمل في الموضوع اللي جاي .











ليست هناك تعليقات

يشرفنا مشاركة تعليقك علي الموضوع