- - - - - - - - -
بورصة الدواجن اليوم الثلاثاء 23 مايو 2017
النوع السعر
سعر الابيض 30
سعر الساسو 31
الكتكوت الأبيض(أهالي) 3.75 - 8
الكتكوت الساسو 1.75 - 3
اضغط هنا لمعرفة سعر الكتكوت الأبيض(شركات) لبورصة الدواجن يوم الثلاثاء 23 مايو 2017
اضغط هنا لمعرفة أسعار بيض الدواجن يوم الثلاثاء 23 مايو 2017


أخبار الموقع

سلالات البياض في مصر (الموضوع الثاني)



انهاردة باذن الله هنكمل الموضوع اللي بدأنافيه قبل كده علي بورصة الدواجن وهنتكلم عن بقيت السلالات البياضة مصرية المنشأ .

بس قبل ما نبدأ هنقول حاجة , طبعا الناس اللي شغالة في مجال الدواجن عارفة ان ده موسم الفراخ بمعني ان الناس او الاهالي في فترة الشتا فيه منهم اللي خاف يربي طيور عنده في البيت عشان الجو البرد وناس تانية الشوطة والامراض نضفت السطوح من الطيور ولكن الجو دلوقتي بدأ يتعدل ويدفي فكثير جدا من الأهالي بدأ يربي تاني دلوقتي وكمان عشان رمضان والستات المصرية بتحب التربية جدا عشان كده السحب علي الكتاكيت زاد سواء كانت بلدي او ساسو  او ابيض وكمان البط المولر والمسكوفي وخصوصا المولر عشان يلحق رمضان  ففي ناس كتير من اصحاب المزراع بتربي الكتاكيت الساسو(بيخرجه تقريبا الفرخ نص كيلو) والبلدي (الفرخ بيبقي ربع كيلو او الجوز كيلو) والبط (البطة بتعدي النص كيلو) وتبيعها بالجوز للاهالي او للتجار وده بيكون مكسبها حلو اوي لانك مبتلحقش تصرف كتير عليهم وبيكون مكسبهم حلو , وبنقول الكلام ده عشان نشجع الناس لان  كلنا عارفين في الفترة اللي فاتت ناس كتير خسرت في الدواجن والدنيا كانت بايظة من كل ناحية وربنا يسترها و يرزق الجميع ان شاء الله .

رابعا سلالة المندرة وهي سلالة محلية تم انشائها نتيجة التزاوج بين ديوك سلالة الاسكندرية و اناث سلالة دقي 4 لمدة 4 اجيال متتالية وتم انتخابها لمدة 8 سنوات بهدف انتاج البيض , وتعتبر هذه السلالة ثنائية الغرض حيث تستخدم اناثها لانتاج البيض اما ديوكها فتعتبر مصدر لللحم , وسميت هذه السلالة بهذا الاسم نسبة لحي المندرة المجاور لمحطة بحوث انتاج الدواجن  بالمنتزه بالاسكندرية .

تتمثل الصفات الشكلية لهذه السلالة بحيث يكون لون الكتاكيت بين اللون الكريمي الفاتح والذهبي مع وجود ريش بني علي مقدمة الراس والرقبة ويكون المنقار لونه بني  و تشبه فراخ هذه السلالة سلالة الرود ايلاند الحمراء في شكل الجسم ولكن حجمها يكون اصغر ولون ريشها بين الكريمي والذهبي الغامق وايضا يوجد ريش بني علي الرأس والرقبة وجزء من الاجنحة وبقيت الجسم بيبقي لونه فاتح والذيل بيميل لللون الابيض , لون الساق والجلد بين الاصفر والابيض المصفر , والعرف مفرد وشحمة الأذن حمراء .
اما الصفات الانتاجية لهذه السلالة فيكون متوسط وزن الديك 2750 جم  و متوسط وزن الفرخة 2150 جم ويكون متوسط انتاج البيض  185 بيضة و متوسط وزن البيضة  51 جم .




خامسا سلالة المنتزه الفضي  حيث اتجه العلماء والباحثون لتحسين سلالة دقي 4 فقاموا بتزويج ديوك سلالة الرود ايلاند الحمراء مع اناث سلالة دقي 4 بهدف زيادة انتاج البيض و متوسط وزن البيضة وتم التزاوج لمدة 3 اجيال متتالية , وسميت بالمنتزه نسبة لمكان انشائها في محطة بحوث الدواجن بالمنتزه وسميت بالفضي نتيجة لنقل الجين السائد المرتبط بالجنس ((S والمسؤل عن اللون الفضي من سلالة الرود ايلاند الي هذه السلالة .   

تتمثل الصفات الشكلية لهذه السلالة بحيث يكون الزغب في الكتاكيت عمر يوم لونه ابيض مع وجود بعض الخطوط  الخفيفة علي الظهر لذلك يصعب تمييزها عند عمر يوم واحد و تشبه فراخ هذه السلالة سلالة الساسكس في لون الريش حيث يغلب عليها اللون الابيض (الفضي)  ولكن ريش الرقبة رمادي مسود وريش الذيل اسود, لون الساق والجلد والمنقار ابيض مصفر , والعرف مفرد وشحمة الأذن حمراء .
وتكون الصفات الانتاجية  بحيث يكون متوسط وزن الديك  2700 جرام  و متوسط وزن الفرخة 2000 جرام و متوسط انتاج البيض 205 بيضة و متوسط وزن البيضة  55 جرام .

سادسا سلالة المنتزه الذهبي  وهي سلالة محلية تم استباطها نتيجة للتزاوج بين سلالة الرود ايلاند مع سلالة دقي 4 بمحطة بحوث الدواجن بالمنتزه في الاسكندرية وذلك لمدة 5 اجيال متتالية , وتم انشاء هذه السلالة لتتفوق علي السلالات المحلية في انتاج البيض ومتوسط وزن البيض وتحملها لظروف التربية في المزارع المصرية وحتي تكون مصدر لتهجين سلالات محلية اخري .

الصفات الشكلية لهذه السلالة بحيث تكون في الكتاكيت عمر يوم يكون لون الزغب احمر مصفر (ذهبي) مع وجود بعض الخطوط البنية علي الظهر وتختلف درجة وضوحها من كتكوت لأخر , يسهل تمييزها من عمر يوم و لون الريش في الديوك والفراخ ذهبي وكل ريشة مخططة باللون الابيض مع الاحمر (في الديوك تكون الخطوط البيضاء والحمراء متساوية في العرض , اما في الاناث يكون عرض المساحة البيضاء نصف عرض اللون الاحمر) ويكون الظهر احمر مصفر , الجلد والساق لونهم اصفر , شحمة الاذن حمراء والعرف مفرد) .
اما الصفات الانتاجية فيكون متوسط وزن الديك 2500 جرام و متوسط وزن الفرخة 1890 جرام و متوسط انتاج البيض 199 بيضة  و متوسط وزن البيضة يكون 54 جرام  وان شاء الله نكمل في الموضوع القادم .





  

ليست هناك تعليقات

يشرفنا مشاركة تعليقك علي الموضوع