- - - - - - - - -
بورصة الدواجن اليوم الثلاثاء 25 أبريل 2017
النوع السعر
سعر الابيض 24.5
سعر الساسو 25
الكتكوت الأبيض(أهالي) 8 - 11.8
الكتكوت الساسو 3 - 4
اضغط هنا لمعرفة سعر الكتكوت الأبيض(شركات) لبورصة الدواجن يوم الثلاثاء 25 أبريل 2017
اضغط هنا لمعرفة أسعار بيض الدواجن يوم الثلاثاء 25 أبريل 2017


أخبار الموقع

علاج الدواجن بالمضادات الحيوية


استخدام المضادات الحيوية في مجال صناعة الدواجن أمر لا غني عنه سواء كان بهدف العلاج او الوقاية من العدوي والقضاء علي الميكروبات الضارة فتضاف المضادات الحيوية لأعلاف الدواجن للحد من العدوي تحت الاكلينيكية (أي قبل ظهور الأعراض المرضية) وتضاف ايضا في مياه الشرب كوقاية من الامراض ولاعادة التوازن الطبيعي بين البكتيريا النافعة والضارة (اتكلمنا عن النقطة دي في موضوع قبل كدة) في معدة الطائر وجسمه لان طبعا مش هسيب الفراخ تتعب وتتبهدل وبعدين لسه هفكر اديها مضاد حيوي هتكون الدنيا باظت والفراخ وزنها نزل وشوية هيموتوا وهتكلفني ايام زيادة في الدورة وكلنا عارفين ان يوم واحد بيفرق في دورة الفراخ لان في اليوم ده السعر  ممكن ينزل او يطلع زي مابنتابع في بورصةالدواجن  فهيأثر مع المربيين اوي , وكنا قلنا في الموضوع اللي فات ان المفروض احاول أقلل من استخدام المضادات الحيوية في التربية عشان تأثيرتها الجانبية علي الفراخ وكمان تأثيرها علي صحة الانسان الذي يعتمد علي الدواجن كمصدر اساسي للبروتين الحيواني خصوصا في ظل زيادة اسعار اللحوم الحمراء ولكن مش معني كدة اني مستخدمش مضادات حيوية خالص , بستخدمها ولكن بحذر ومزودش جرعات الدوا الا بتوصيات الدكتور .

نبدأ بقي نتكلم عن بعض المضادات الحيوية اللي بستخدمها بكثرة في تربية الدواجن وهنتكلم عن كل مجموعة  زي ما العلماء قسموهم في التقسيمة الحديثة  أولا مجموعة الامينوجليكوسيد ومن اكثر امثلة المجموعة دي شيوعا في الفراخ ( ستربتو مايسين – نيومايسين – جنتاميسين – كاناميسين – سبكتينومايسين ) ومن خواص المجموعة دي ان لها تأثير قاتل علي البكتيريا الهوائية السالبة لصبغة الجرام زي السالمونيلا والباستيوريلا والاي كولاي و كليبسيلا والمكورات العنقودية 

أولا ستربتومايسين (streptomycin) وهو مضاد حيوي قاتل للبكتيريا سالبة الجرام ويستخدم في علاج عدوي الجهاز الهضمي  والاسهالات التي تسببها البكتيريا سالبة الجرام (كعلاج موضعي) لانه لايمتص من المعدة وذلك بوضعه في مياه الشرب بمعدل 1جم / لتر زي ستربتومايسين سلفات بتاع شركة سيديكو وكمان فيه ستربتومايسين بلس عبارة عن اكياس كل كيس 100 جم وجرعته 0.2 جم / لتر أو يستخدم في علاج العدوي الجهازية وخاصة العدوي التنفسية وذلك عن طريق الحقن في العضل والجرعة 50 – 100 ملجم / كجم وزن حي ويمكن زيادة الجرعة في الحالات الشديدة .

ملحوظة : ممكن بعد ما احقن ستربتومايسين الاقي الفراخ تفقد اتزانها وتقعد علي الارض لانه بيأثر علي العصب الثامن , وبعض الفراخ لاتتحمله فيبيعملها صدمة وتموت (shock) عشان كده بعمل اختبار حساسية للفراخ اني بحقن مجموعة من الفراخ بجرعات زيادة واشوف تأثيرها علي الفراخ فلو الفراخ محصلهاش حاجة احقن القطيع ولو العكس بلاش .




ثانيا النيومايسين (neomycin) وهو بودرة تذوب في الماء ويعتبر أفضل المضادات الحيوية لعلاج عدوي الجهاز الهضمي وما تسببه من اسهالات لانه لايمتص من المعدة و حيث ان لها تأثير قاتل علي ميكروب القولون والبكتيريا المعوية الأخري وايضا علاج فعال للاسهال الابيض الناتج عن بكتيريا السالمونيلا ويستخدم بصورة كبيرة في عملية تحضين الكتاكيت لتقليل نفوق الكتاكيت الفاقسة بسبب التهاب السرة والميكروبات الاخري والجرعة في مياه الشرب ا جم / لتر مياه أو 10 – 15 ملجم / كجم وزن حي .

ثالثا جنتاميسين (Gentamicin) وهو مضاد حيوي عبارة عن محلول معد للحقن يستخدم في علاج عدوي الجهاز الهضمي والاسهالات ببكتيريا السالمونيلا والاي كولاي وايضا العدوي التنفسية والمايكوبلازما والتهاب السرة في الكتاكيت , ويستخدم كالأتي
ده منتج جينتاميسين 5% والصورة بتاعته تحت وهو محلول معقم رائق عديم اللون (للاستخدام البيطري) اما التركيب فكل 1 ملليلتر يحتوى على جنتاميسين سلفات 85 ملليجرام يكافئ جينتاميسين قاعدي 50 ملليجرام و جينتاميسين يتميز بسرعة إمتصاصه بعد الحقن بالعضل ليصل إلي الدم خلال 15 : 30 دقيقة و الجرعة 10 ملجم / كجم وزن حي في العضل (يعني 0.2 سم / كجم وزن حي) وتكون العبوات كالتالي فيال زجاجي سعة 10، 30، 50، 100، 500 ملليلتر

رابعا سبكتينومايسين (spectinomycin) وهنقول مثال زي اللنكوسبكتين 100  أصلي من فايز ويكون التركيب علبة مسجلة من فايزر تحتوي على 150 جم بودرة ذوابة بها لنكوميسين(لنكوميسين هيدروكلوريد ) 33.3 جم وسبكتينوميسين (سبكتينوميسين سلفات ) 66.7 جم فيكون إجمالي المضاد الحيوي الفعال 100 جم والوزن الصافي للعبوة 150 جم اما الاستخدام  فيستخدم ضد عدوى الميكوبلازما والبكتيريا في الدواجن للعلاج والوقاية من الأمراض التنفسية التي تسببها الميكوبلازما مع أو بدون البكتيريا في الدواجن (التهاب الأكياس الهوائية أو سي آ ردي ، المضاعف بالعصيات القولونية – الآي كولاي ، المرض الرئوي والكورايزا ) الحساسة لفعل هذا المركب من المضادات الحيوية .

وتكون الجرعة كالتالي للوقاية من المرض التنفسي المزمن (السي آ ر دي ) أو البكتيريا (الإيكولاي) يعطي كعلاج بادئ في الايام من 3 – 5 ايام الاولي من العمر بمعدل 225 مجم لكل كجم وزن حي (يساوي علبة على 200 لتر ماء) وعند عمر 3- 4 اسابيع من العمر يعطى 75 مجم لكل كيلو جرام من وزن الجسم (علبة على 600 لتر ماء )  وبنفس الجرعة الوقائية يعطي اللنكوسبكتين عند ملاحظة العلامات الأولى للمرض وذلك لمدة 3 – 7 ايام وهذا جدول الجرعات لكل 1000 طائر 150 مجم/كجم مضاد حيوي فاعل 

وزن الكتاكيت جرام
كمية اللنكوسبكتين /جرام
اللازمة لكل 1000 كتكوت
كمية الماء باللتر
40
9
12
100
22.5
30
200
45
60
500
112.5
150
1000
225
300
2000
450
600

ويوقف العلاج قبل ذبح(بيع وتسويق) الدجاج بيومين و يحضر العلاج يومياً وإذا زادت كمية الماء الذي به العلاج لثاني يوم ترمى ولا تستخدم و العبوة المتوفرة هي علبة 150 جرام وهنا نقول ملحوظة ان اللنكوسبكتين هو المضاد الحيوي الوحيد الذي يرفع المناعة الطبيعية للدجاج ويقوي دفاعاته ضد الميكروبات المهاجمة إضافة إلى قتله للبكتريا الضارة

ثانيا يستخدم سبكتينومايسين ايضا مع اريثرومايسين وبيشتغلوا مع بعض كويس جدا علي الباستيوريلا وايضا لعلاج مرض الزكام المعدي (الكوريزا) (infectious coryza) وثالثا يستخدم سبكتينومايسين ايضا مع الكلورم فينيكول ضد السالمونيلا وميكروب القولون 

خامسا كانامايسين (Kanamycin) وهو مضاد حيوي قاتل للبكتيريا ويؤثر على الميكروبات السالبة لصبغة الجرام مثل ميكروب القولون والسالمونيلاوالباستوريلا ويعطى عن طريق الحقن, ويمتص بسرعة ويصل إلى أعلى مستوى له في الدم بعد ساعة واحدة , كما أنه يفرز عن طريق الكلى بعد فترة قصيرة نسبياَ, ويعطي بجرعة 5 – 15 مجم / كجم وزن حي في العضل .

ملحوظة : مجموعة الامينوجليكوسيد بتفرز عن طريق الكلي وبتنزل في البول ولكن الكلية بتحبس كمية منها في انسجة الكلية فتسبب فشل كلوي في الفراخ عشان كده لو الفراخ عندها مشاكل في الكلي متديش حاجة من الادوية دي لانها هتزود المشكلة وهتبوظ الدنيا و ان شاء الله هنكمل في الموضوع اللي جاي .





 

ليست هناك تعليقات

يشرفنا مشاركة تعليقك علي الموضوع