- - - - - - - - -
بورصة الدواجن اليوم الثلاثاء 23 مايو 2017
النوع السعر
سعر الابيض 30
سعر الساسو 31
الكتكوت الأبيض(أهالي) 3.75 - 8
الكتكوت الساسو 1.75 - 3
اضغط هنا لمعرفة سعر الكتكوت الأبيض(شركات) لبورصة الدواجن يوم الثلاثاء 23 مايو 2017
اضغط هنا لمعرفة أسعار بيض الدواجن يوم الثلاثاء 23 مايو 2017


أخبار الموقع

الكبد وصحة الدواجن



باذن الله هنتكلم انهاردة عن عضو مهم في جسم الطيور وهو الكبد حيث يمثل الكبد عامل الامان في الطيور وذلك لما يقوم به من وظائف في بناء الجسم وتخليصه من السموم الناتجة من الفطريات والبكتيريا حيث تحتاج تربية الدواجن والطيور الاخري الي كميات كبيرة من العلف للحصول علي الوزن الطبيعي لتسويق الفراخ طبقا لبورصة الدواجن  والعلف بيمثل 60 % من تكلفة الانتاج وكلنا عارفين ان العلف غالي جدا عشان كدة عايزين نعرف ازاي نخلي جسم الفرخة يستفيد من العلف اللي بياكله ومنضيعش فلوسنا في الأرض عشان كدة لازم كل مربي للدواجن يعرف دور الكبد في هضم العلف وعملية التمثيل الغذائي وتحويله الي مواد مفيدة للجسم.

في الكتاكيت الصغيرة يكون لون الكبد أصفر لامع وذلك نتيجة لامتصاص  صفار البيض في الحضانات وبعد عمر اسبوع تقريبا يتحول لون الكبد الي اللون البني الماهوجني أو المحمر وده اللون الطبيعي للكبد , دلوقتي عايزين نعرف وظايف الكبد بالتفصيل شوية اولا تمثيل البروتين حيث يتم هضم البروتين الموجود في العلف في الامعاء الدقيقة للطيور بواسطة بعض الانزيمات زي peptidases , protease ويتم تكسيرها الي الصورة الاولية للبروتين (الاحماض الامينية الحرة)  عشان يقدر الجسم يستفيد منها ثم تمتص الاحماض الامينية من الامعاء الي الدم وبعدين بتروح للكبد عن طريق الوريد البابي ويبدا الكبد يوزعها علي انسجة الجسم المختلفة عشان تساعد في بناء الجسم  , بس لما بتكون الاحماض الامينية (البروتين) زيادة عن حاجة الجسم بيقوم الكبد بهدمها الي امونيا واحماض كيتونية وتعتبر الامونيا مادة سامة للجسم  وتخرج عن طريق الكلية في صورة حمض اليوريك.ويقوم الكبد ايضا بتخليق البروتينات الاخري زي الالبيومين والجلوبلين والبروثرومبين .




ثانيا تمثيل الدهون يقوم الكبد بافراز العصارة الصفراء التي تشارك في هضم الدهون وايضا يقوم بتحويل الدهون الزائدة عن الجسم الي انسجة دهنية يستفيد منها جسم الطائر في انتاج الطاقة وذلك بمساعدة مادة الكولين , ثالثا تمثيل الكربوهيدرات فتلعب الكربوهيدرات دور في انتاج الطاقة للجسم فيقوم الكبد بتخليق الجليكوجين(يتحول الي الجلوكوز وهو مصدر للطاقة عند حاجة الطيور) وتخزينه في الكبد , ولما بيكون في نقص في الجلوكوز بيقوم الكبد بتخليقه من البروتينات والدهون الموجودة في الكبد .

رابعا تمثيل الفيتامينات حيث يساعد الكبد في امتصاص  مجموعة الفيتامينات التي تذوب في الدهون زي فيتامين أ , ك , د , ه ويقوم بتخزين فيتامين أ في الجسم لحين الحاجة له , ويقوم باستخدام فيتامين ك في تكوين الصفائح الدموية لمنع النزيف في الجسم  , ويقوم ايضا بالتمثيل الغذائي لفيتامين ب1, ب2 وتخزينها في الجسم  , ويقوم الكبد ايضا بتخزين الحديد والموبالت والنحاس نتيجة لتكسير كرات الدم الجمراء ليستفيد منها الجسم .

خامسا التخلص من السموم فيقوم الكبد بتخليص الجسم من السموم الفطرية و السموم الموجود في العلف وايضا الناتجة عن عمليات الجسم المختلفة ,عشان كل ده لازم نحافظ علي وظيفة الكبد وذلك باستخدام الادوية المنشطة للكبد والمضادة للسموم ولازم ادوية منشطات الكبد تحتوي علي  مجموعة مواد  وهي بالترتيب ( سيليمارين – بيتايين -  سوربيتول – ال كارنيتين )  ومثال لمنشطات الكبد دي زي مافي الصورة اللي تحت دي .




ليست هناك تعليقات

يشرفنا مشاركة تعليقك علي الموضوع