- - - - - - - - -
بورصة الدواجن اليوم الثلاثاء 25 أبريل 2017
النوع السعر
سعر الابيض 24.5
سعر الساسو 25
الكتكوت الأبيض(أهالي) 8 - 11.8
الكتكوت الساسو 3 - 4
اضغط هنا لمعرفة سعر الكتكوت الأبيض(شركات) لبورصة الدواجن يوم الثلاثاء 25 أبريل 2017
اضغط هنا لمعرفة أسعار بيض الدواجن يوم الثلاثاء 25 أبريل 2017


أخبار الموقع

مرض أي بي في الدواجن (الالتهاب الشعبي الحاد)





 (infectious bronchitis)  (I.B

باذن الله هنتكلم انهاردة عن مرض مدوخ الناس والفراخ كمان معاه وهو اي بي الدواجن وهو مرض فيروسي حاد شديد الضراوة يصيب الدواجن فقط سواء كانت دواجن التسمين او الدجاج البياض وذلك في أي عمر ويسبب مشاكل تنفسية ومشاكل كلوية وتناسلية في الفراخ  ويسبب خسائر اقتصادية خطيرة لانه يسبب نسبة نفوق عالية في القطيع مما ينعكس علي بورصة الدواجن بالسلب وهنعرف ده بالتفصيل دلوقتي .

مسبب المرض حيث يسبب هذا المرض فيروس من عائلة الكورونا (coronaviridae) ويحتوي الفيروس علي حمض نووي مميز جدا حيث يعطيه القدرة العالية علي التحور واحداث الطفرات عشان كده التحصينات ضد الفيروس ده مبتعملش نتيجة لان الفيروس كل فترة بيغير نفسه ويكون عترة جديدة وهنا بتكون خطورة المرض وكمان الطيور المصابة بتبقي حاملة للفيروس وبتنزله في افرازاتها من الانف او في زرق الفراخ  لمدة 5 اسابيع فبتنشره في العنبر كله .

فترة حضانة المرض وهي الفترة من دخول الفيروس جسم الفرخة لحد ماتظهر أول الاعراض وبتتراوح من 18 الي 36 ساعة  ثانيا طريقة الاصابة بالمرض اولا العدوي الأفقية فينتقل الفيروس عن طريق استنشاق الطيور للهواء المحمل للفيروس , او عن طريق تناول الفراخ للعلف او المياه الملوثة بزرق الطيور المصابة , او عن طريق المعدات والعربات التي تدخل المزرعة حاملة الفيروس من مزارع اخري , وينتشر الفيروس بين الفراخ بصورة مباشرة نتيجة الاتصال بين الفراخ المصابة والسليمة ثانيا العدوي الرأسية وذلك عن طريق تلوث قشرة البيض بالفيروس اثناء وجوده في المفرخة او عند نزول البيضة من الام فتتلوث بالزرق او فضلات الام اذا كانت مصابة بالمرض او حاملة له فينتقل الي البيضة فينتشر الفيروس في المفرخة بين الكتاكيت الفاقسة .




أعراض المرض ونجد انه تختلف أعراض هذا المرض علي حسب العمر الذي يصيب فيه الفراخ , ونوع الفراخ تسمين او بياض , ونوع العترة اللي اصابت الفراخ , وكمية الفيروس اللي دخلت الجسم , وايضا الحالة المناعية للقطيع , و مدي تطبيق اجراءات الامان الحيوي في المزرعة . يصيب المرض الفراخ في 3 صور , أولا الصورة التنفسية المرض بيعمل افرازات متجبنة في القصبة الهوائية والافرازات دي بتفضل تتجمع وتنزل لتحت لحد ماتعمل سدادة تجبنية (caseous plug) في اخر القصبة الهوائية من تحت وتسدها خالص وبعد كدة تبدا تنزل الي الرئتين والشعب الهوائية وتسدها كمان وطبعا لازم نعرف الأول  حاجتين مهمين اوي  الاول ان القصبة الهوائية في الفراخ بتبقي طويلة ورفيعة علشان كده اي افرازات بتسدها والفراخ مبتعرفش تتنفس وبتموت وكمان الفراخ معندهاش مركز كحة في المخ علشان يخلي الفرخة تكح وتخرج الافرازات والسوايل الموجودة في الرئتين والقصبة الهوائية فبتموت الفراخ نتيجة للاختناق واعراض الاختناق دي بتظهر في صورة زرقان في الوش والجسم وصوت صرخة (طشمة) في الفرخة وهي بتتنفس لانها مش عارفة تاخد نفسها اصلا فبيمد رقبته لقدام وبتخرج افرازات من الجيوب الانفية وبتتورم وايضا بتنزل افرازات من العين وبتورم.

وتكون الاعراض في الكتاكيت الصغيرة ودواجن التسمين  أشد منها في الطيور البالغة حيث تقل الاعراض بتقدم العمر ثانيا الصورة الكلوية  فيحدث احتقان شديد في الكليتين ثم يحدث ترسيب للاملاح في الكلي وفي النهاية تؤدي الي فشل كلوي وتظهر هذه الصورة في دجاج التسمين اكثر من الدجاج البياض خصوصا من عمر 2 الي 6 اسابيع , ويجب تقليل نسبة البروتين في العليقة او استخدام علف أقل في البروتين لحد ما المرض يستقر لان البروتين العالي بيزود مشاكل الكلية .

 ثالثا الصورة التناسلية تظهر بصورة كبيرة في قطعان الامهات والبياض وذلك عند اصابة قناة البيض بالعترة التناسلية للفيروس وتختلف الخطورة حسب عمر الاصابة فاذا حدثت الاصابة في الكتاكيت وهي صغيرة بيفضل المبيض غير نشط لمة كبيرة وتكوين قناة البيض بيتاخر فبتتاخر الفراخ في عملية البلوغ الجنسي ومبتوصلش لقمة انتاجها , اما اذا اصيبت الفراخ قبل عمر الانتاج قبل ما تبشر اي عند عمر 12  الي 20 اسبوع بيحصل تشوهات في قناة البيض فبتنتج بيض صغير وبيض مشوه وايضا بتظهر ظاهرة البيض الكاذب يعني في فراخ في القطيع مش بتبيض و اذا اصيبت الفراخ اثناء فترة انتاج البيض بيحصل انخفاض في انتاج البيض بنسبة 20 الي 50 % وبيستمر لمدة 4 – 6 اسابيع وبيكون زلال البيض مائي والبيض بينزل من غير قشرة .

ان شاء الله نكمل في الموضوع اللي جاي ازاي اما اشرح الفراخ اتعرف علي المرض والوقاية منه وطرق التحصين والعلاج