- - - - - - - - - - -
اسعار الدواجن اليوم السبت 21 أكتوبر 2017
النوع السعر
سعر الابيض 20
سعر الساسو 26
الكتكوت الأبيض(أهالي) 7.25 - 7
الكتكوت الساسو 5.25 - 5
اضغط هنا لمعرفة سعر الكتكوت الأبيض(شركات) لبورصة الدواجن يوم السبت 21 أكتوبر 2017
اضغط هنا لمعرفة أسعار بيض الدواجن يوم السبت 21 أكتوبر 2017
حمل تطبيق بورصة الدواجن الان على تليفونك المحمول وتمتع بخدمة الاسعار المجانية

أخبار الموقع

مرض الأي بي في الدواجن (الموضوع الثاني)



اتكلمنا في الموضوع اللي فات عن اصابة الدواجن بمرض الأي بي وعرفنا ازاي بيأثر علي جسم الفراخ وخطورته وانهاردة باذن الله زي ماوعدناكم هنكمل بقيت المرض .

الصفة التشريحية للمرض احنا قلنا ان المرض بيصيب 3 اجهزة في جسم الدواجن وهنعرف ازاي اشخص المرض لما اشرح النافق بس الاول لزم نعرف ان المفروض لما اجي اشرح النافق لازم اشرح اكتر من فرخة علي قد ما اقدر لان المرض ممكن يبقي ظهر في بعض الفراخ وفراخ اخري لسة وممكن يكون ظاهر في فرخة بصورة معينة(تنفسية مثلا ) وفراخ أخري عامل صورة تانية(كلوية مثلا) علشان اقدر اجمع داتا كويسة عن المرض المسبب ويكون تشخيصي صحيح واقدر اتعامل مع المرض كويس .

أول حاجة في الجهاز التنفسي :هلاقي اول حاجة قبل ماافتح الفرخة لما اجي اضغط علي الجيوب الانفية والانف بتاعة الفرخة علي وش الفرخة هينزل سوايل من الفتحات دي ولكن ده بيحصل في معظم الامراض التنفسية فمقدرش اعتمد عليه .بعد كدة افتح الفرخة وامسك الجهاز التنفسي من فوق اشوف القصبة الهوائية هلاقيها محتقنة وفيه سوائل مخاطية وند نهاية القصبة الهوائية اي عند نقطة تفرعها مع الرئتين هلاقي سدادة متجبنة سدة القصبة الهوائية . بعد كدة اشوف الرئتين هلاقيهم محتقنين ومليانين سوايل كتيرة مما يسبب صعوبة في التنفس وعلشان كدة بنسمع صوت صرخة في الفراخ وممكن تموت الفراخ نتيجة انسداد المجري التنفسي .بعد كدة ابص علي الاكياس الهوائية اللي موجودة في التجويف الصدري وفي التجويف البطني هلاقيهم معتمين وفيهم مواد متجبنة .



ثانيا في الجهاز الكلوي هلاقي اول حاجة ان الكليتين متضخمتين بشكل كبير وهلاقي الفصوص بتاعة الكلية ظاهرة  وواضحة بعدين هلاقي الحالبين متضخمين و مليانين بحمض اليوريك , ثالثا في الجهاز التناسلي اول حاجة هلاقي المبايض سليمة او ممكن الاقي صفار البيض في التجويف البطني سايبة وهلاقي التهاب في الغشاء البريتوني اللي بيغلف اعضاء التجويف البطني , بعد كدة ابص علي قناة البيض هلاقيها قصيرة وضيقة اي ضامرة فهيحصل تبويض في تجويف البطن وهيسبب التهاب الغشاء البريتوني ,عند كسر البيض هلاقيه سايب او سايل لان المرض بيفصل غشاء الكلازا اللي بيحافظ علي قوام البيض .



علاج المرض كلنا عارفين ان ده مرض فيروسي والفيروسات ملهاش علاج الا التحصين ولكن اذا ظهر المرض في الفراخ مينفعش التحصين ولكن هتعامل مع المرض بصورة تانية علشان اقدر اقلل النافق لاقل درجة ممكنة وعلشان متتأثرش بورصة الدواجن فهعالج الأعراض وذلك عن طريق اولا رفع درجة حرارة العنبر درجتين عن المعدل الطبيعي ثانيا بدي  مضاد حيوي واسع المجال لمدة 5 ايام يكون نضيف عشان امنع العدوي الثانوية خصوصا السي أر دي  أو المايكوبلازما والاي كولاي ثالثا بدي رافع مناعة كويس زي ه سلينيوم مع اي رافع مناعة رابعا بدي موسع شعب ومذيب للمخاط علشان تقدر الفراخ تتنفس كويس زي البيسلفون البشري بجرعة 1 سم لكل لتر ميه وايضا بظبط التهوية كويس جدا علشان الفراخ تعرف تتنفس كويس وكمان ادي منشط كبد وغسيل كلوي ومدر للبول .

 الوقاية من المرض نمسكها من الاول كدة واحدة واحدة اول حاجة اطهر العنبر كويس قبل الدورة بمطهرات شديدة واتبع اجراءات الامان الحيوي عند استقبال الكتاكيت والاعلاف وعربات النقل والعمال علشان امنع دخول اي عدوي للمزرعة او انشر عدوي من المزرعة لمزارع أخري واهم حاجة من اول يوم في الدورة لازم اخلي بالي من التهوية كويس جدا واحافظ علي الجهاز التنفسي كويس لان اي اصابة فيه هتضعفه وتخليه عرضة لاي مرض تاني زي الأي بي وكمان استخدم خلال الدورة روافع مناعة كويسة وغسيل كلوي ومنشطات الكبد بصورة دورية منتظمة  كمان لازم احصن الفراخ ضد الأي بي وفيه اكتر من طريقة هنبقي نتكلم عنها مرة تانية وبرضو مينفعش اربي فراخ ذات اعمار مختلفة في نفس الوقت .