- - - - - - - - -
اسعار الدواجن اليوم السبت 19 أغسطس 2017
النوع السعر
سعر الابيض 22.5
سعر الساسو 32
الكتكوت الأبيض(أهالي) 4.75 - 6.25
الكتكوت الساسو 3.75 - 4.5
اضغط هنا لمعرفة سعر الكتكوت الأبيض(شركات) لبورصة الدواجن يوم السبت 19 أغسطس 2017
اضغط هنا لمعرفة أسعار بيض الدواجن يوم السبت 19 أغسطس 2017

أخبار الموقع

أمراض البط الاتهاب الكبدي الفيروسي duck viral hepatitis


اتكلمنا كتير عن امراض بتصيب الفراخ وازاي بتأثر علي بورصة الدواجن ولكن دي اول مرة نتكلم عن  امراض تصيب البط والاول قبل مانبدأ هنقول حاجة يمكن كتير من المربيين يعرفوها  وهي ان تربية البط من اكتر المشاريع المربحة ولكن بشرط انك تعرف تسوق البط وتبيعه وميقعدش عندك فترة كبيرة لان البط زي المنشار في الاكل وفيه انواع من البط بتوصل فوق 6 كيلو فلو قعد عندك للوزن ده بيبقي صعب انك تبيعه لان بطة زي ده تعملها اكتر من  200 جنيه فالناس بتستغلاها او بتستكبرها  خصوصا في ظل ارتفاع اسعار المعيشة دلوقتي فمصر الا بقي لو بتتعامل مع مطعم كبير او فنادق بتاخد الاوزان الكبيرة دي وكمان بعض الناس بتودي البط الكبير ده كرد للشبكة وغيره من العادات المصرية او انك تتعامل مع تجار بتشيل بسعر البورصة .

ولكن فيه طريقة تانية عن تجربة شخصية وهي تربية البط لحد عمر معين من اسبوعين لحد شهر مثلا او لما البطة توصل نص كيلو مثلا وتبدا تبيع بالجوز بيبقي مكسبها حلو جدا ومضمون لو عرفت تسوق عدد كبير ومميزات الطريقة دي انك مبتكونش لسه صرفت علي البط كتير وبتبيعه بسعر كويس وكمان الناس بتشتريه بكثرة لانه مش غالي للدرجة وكمان زي مابيقول الاهالي بيبقي زايل همه مش محتاج تدفية ووجع قلب وكمان بتبقي دورة ربح سريعة ومعدل النافق فيها بيبقي اقل من الفراخ , بس طبعا كل واحد حر يشتغل بطريقته انا بس حبيت اشارككم تجربتي والطريقتين بيكسبوا وكل واحد عارف شغله .

هنبدا نتكلم انهاردة عن امراض البط وهنبدأ بمرضين بيسببوا نسبة نفوق عالية بس فيه واحد فيهم بيصيب الاعمار الصغيرة والتاني بيصيب البط الكبير  وهنبدأ بمرض البط الصغير وهو التهاب الكبد الوبائي ويوجد منه 3 انواع ولكن النوع الاول هو الاكثر انتشارا والفراخ والرومي والبط المسكوفي بتبقي مقاومة للاصابة بالمرض ده .

ويعرف ايضا ب duck viral hepatitis  وهو مرض فيروسي  حاد شديد الوبائية يسببه فيروس من عائلة  picornaviridae , genus:enterovirus ويسبب نسبة نفوق عالية جدا في البط الصغير من عمر يتراوح من 1- 4 اسابيع ويصيب هذا الفيروس الكبد ويسبب فيه ضرر كبير تؤدي الي النفوق السريع بس الفيروس ده بيتميز بحاجة انه نسبة النافق فيه مرتبطة بالعمر يعني لو ظهر في اول اسبوع بيعمل نافق 100% ولو ظهر في تاني اسبوع بيعمل نافق 50% وفالاسبوع التالت 25% والرابع بتقل عن كدة ولو بط كبير اتعرض للاصابة بالمرض ده مبيأثرش فيه لانه بيكون عنده اجسام مناعية اتكونت ضده .

والاصابة بالمرض ده بتحصل عن طريق الزرق الملوث بالفيروس لان الفيروس بيفضل عايش فترة كبيرة في الزرق وكمان بيتنقل عن طريق المعدات الملوثة والعربات التي تدخل المزرعة حاملة الفيروس معاها والفيروس لمل بيدخل المزرعة بيعمل نسبة مرضية 100 % يعني بيصيب القطيع كله , اما الاصابة عن طريق البيض من الامهات بيبقي نادر حدوثه.

اما الاعراض فتتمثل في الامتناع عن الاكل والكسل والكششان والعين تلاقيها مقفولة والبط راقد مش قادر يتحرك وبيبقي فيه زرق اخضر مائي والمنقار بيبقي محتقن والبط يرقد علي جنبه ويرفع راسه ورقبته ويرجعها لورا ناحية جسمه والرجل تبدا تتشنج وفيه مصطلح طبي بيوصف شكل النفوق ده وهو opisthotonus وتموت البطة خلال ساعة من بداية ظهور الاعراض عليها .


ولما نيجي نشرح البط علشان نشخص المرض هنلاقي الكبد متضخم ومحتقن وعليه بقع نزفية ولونه بيقي احمر او برتقالي  والكلية برضو بتبق متضخمة ومحتقنة وفي بعض الاحيان الطحال بيبقي متضخم ويتغير لونه.


ويتشابه المرض ده مع بعض الامراض اللي بتعمل اعراض عصبية زي الانفلوانزا والسالمونيلا بس دول بييجوا في الاعمار الكبيرة 



لو ظهر المرض ده عندي اتعامل معاه ازاي , بحقن كل بطة نص او واحد  سم  في العضل  او تحت الجلد من مصل تم تحضيره من بط كبير عنده مناعة ضد المرض ده , وبدي جرعتين الولي اول مايظهر عندي النافق والتانية بعد اسبوعين  او بجيب بيض من امهات بط عندها مناعه للمرض ده وبحقن صفار البيض في البط الصغير اللي عندي 3 جرعات نص او واحد سم في العضل او تحت الجلد وكمان بحط في الميه رافع مناعة بالاضافة الي مضاد حيوي كويس علشان امنع العدوي البكتيرية الثانوية.
اما الوقاية ضد المرض ده بتكون عن طريق اولا في البط الصغير بحصن في العضل او الفم او في الجلدة بين صوابع الرجل وعندي نوعين من التحصين واحد تحصين حي من عترة غير ضارة او ضعيفة والتاني حي مستضعف تم تحضيره في اجنة الفراخ (asplin strain) ولو البط الصغير جاي من امهات غير محصنة بحصن في معمل التفقيس اما لو البط الصغير من امهات محصنة بدي تحصين عند عمر 7 – 10 ايام 

ثانيا فالبط المعد للتربية علشان يبقي امهات ويديني بيض افرخ منه وعندي اكتر من تحصين  بستخدم واحد منهم الاول تحصين حي مستضعف تم تحضيره في اجنة الفراخ (asplin strain) وبحقن منه نص سم تحت الجلد عند عمر 7 اسابيع وبدي جرعة تنشيطية تانية قبل كل موسم انتاج للبيض ب 2- 3 اسابيع تحت الجلد, والتاني لقاح ميت زيتي بدي منه 3 جرعات, والتالت تحصين حي مستضعف بدي منه جرعتين بينهم 6 اسابيع, والرابع تحصين حي للنوع الاول من الفيروس  وبديه عند عمر 2 – 3 ايام وبكرره بتحصين ميت عند عمر 22 اسبوع.

علشان كده لما اجي اشتري بط لازم اتأكد انه من مصدر موثوق وومينفعش اربي بط صغير مع بط كبير 

وان شاء الله نتكلم عن المرض التاني اللي بيجي في البط الكبير في الموضوع الجاي.



ليست هناك تعليقات

يشرفنا مشاركة تعليقك علي الموضوع