الاول بعتذر للناس عشان الفتره اللي فاتت
منزلناش اي موضوعات وكمان تحديث اسعار الدواجن واسعار الكتاكيت بيتأخر احيانا بس ان
شاء الله الفترة الجايه يكون فيه شغل جديد ونقدر نفيد الناس كلها
طبعا كلنا عارفين ان رمضان قرب والموسم
بتاعه هيبدأ يشتغل فالناس كلها هتبدأ تدخل فراخ وبط عشان الموسم بس نخلي بالنا لان
الجو الايام دي مش ثابت على حاجة يوم ساقعة ويوم حر وفي اماكن منتشر فيها الانفلوانزا
دلوقتي فنجيب من مصدر كويس عشان البط يكون متحصن وكويس ومنهملش فالحاجة اللي بنربيها
عشان الاسعار غالية ومنسمعش لاي حد فموضوع الادوية غير للدكاتره البيطري ونأكل علف
شركة كويس ونهتم بنضافة المكان والفرشة كويس وياريت الناس اللي بتكتب كومنتات وتسأل
عن علاج لفراخ او بط تكتب تفاصيل كامله زي العدد كام والعمر والوزن وبياكلو علف ايه
والاعراض تكون كامله واخدو أدوية ايه عشان ارد على حضراتكم صح والدوا يجيب نتيجة كويسة
ان شاء الله.
عشان كده هنبدأ نعلن كل يوم هنا فبورصةالدواجن عن اسعار البط بأنواعه زي البط المولر المستورد أبو عين حمرا وأبو شريطة سودا
والبغال وكمان البط المسكوفي والشير فالي وأي نوع بط موجود على حسب الطلب وهيكون موجود
عمر يوم للي عايز يحضن عنده وبرضو هيبقى فيه عمر أسبوعين او 3 أسابيع يعني البطايه
هتبقى فحدود نص كيلو وبط متحصن ان شاء الله وبأسعار كويسه
وهيبقى فيه كتاكيت بيضه وساسو وبلدي وارانب
ورومي
وهيبقى فيه رقم تليفون للتواصل والاتفاق
على السعر والمكان وبقية التفاصيل
ليست هناك تعليقات
يشرفنا مشاركة تعليقك علي الموضوع