- - - - - - - - - - -
اسعار الدواجن اليوم الأحد 22 يوليو 2018
النوع السعر
سعر الابيض 25
سعر الساسو 30
الكتكوت الأبيض(أهالي) 2.80 - 5.50
الكتكوت الساسو 2.70 - 2.90
اضغط هنا لمعرفة سعر الكتكوت الأبيض(شركات) لبورصة الدواجن يوم الأحد 22 يوليو 2018
اضغط هنا لمعرفة أسعار بيض الدواجن يوم الأحد 22 يوليو 2018
حمل تطبيق بورصة الدواجن الان على تليفونك المحمول وتمتع بخدمة الاسعار المجانية

أخبار الموقع

تأثير ارتفاع درجات الحرارة في فصل الصيف علي دجاج التسمين وكيفية التغلب عليه


كلنا متابعين بورصة الدواجن وعارفين ازاي بيحصل ارتفاع كبير فاسعار الكتاكيت واسعار الاعلاف وأدوية الدواجن علشان كدة المربي والطبيب البيطري لازم يبقى عندهم فكرة عن كل المشاكل والامراض اللي بتصيب الدواجن خلال دورة التسمين علشان يقدرو يحافظو علي معدل وزن جيد للدواجن علشان الدورة متخسرش معاه وهنتكلم انهاردة عن مشكلة مهمة خصوصا في الايام الحر اللي احنا فيها دلوقتي وهي الاجهاد الحراري وهنبدأ نشوف ازاي الطائر بينظم درجة حرارة جسمه وبيواجه الحر الشديد وفالموضوع الجاي ان شاء الله هنتكلم عن ازاي الاجهاد الحراري بيأثر علي اوزان الفراخ وبالتالي مكسب الدورة وازاي نتغلب على المشكلة دي. 
الدواجن من ذوات الدم الحار يعني عندها القدرة علي المحافظة علي درجة حرارة ثابتة نسبيا وده بيكون في درجات الحرارة المعتدلة يعني لما حرارة الجو تكون أقل من 30 ْم الطائر بيفقد 40% من حرارة جسمه عن طريق العرف والدلايات وفيه معلومة نعرفها بردو ان درجة حرارة الطائر البالغ بتكون بين 41 الي 42 ْم والحراة المثالية المطلوبة فالعنابر تتراوح من 18 الي 25 ْم ورطوبة نسبية 50 ل 60 %.
وبسبب ان دورة التسمين بتبقي صغيرة حوالي 35 يوم فجسم الطائر بيكون فحالة طوارئ يعني كل أجهزة الجسم بتبقى شغالة بأقصي طاقة ليها علشان الجسم يقدر يستفاد من العلف المستهلك ويكون معدل التحويل عالي وكنتيجة لعملية هضم الغذاء والعمليات الفسيولوجية الاخري اللي بتم فالجسم بيحصل ارتفاع في درجة حرارة جسم الطائر ولما دا بيحصل في ايام الحر المشكلة بتبقى اكبر علي الطائر علشان يقدر يتخلص من الحرارة الزايدة فجسمه دي والعلماء بيوصفو العملية دي زي موتور العربية والراديتير لما الموتور بيسخن الماء بيتحرك للراديتير علشان يبرد وبعدين يرجع للموتور تاني وده بيحصل زيه فالطائر لما درجة حرارة الجو بتزيد عن 34 ْم بتحصل ظاهرة فسيولوجية اسمها peripheral vasodilataion يعني الشعيرات الدموية الموجودة علي سطح جسم الطائر بيحصل فيها اتساع علشان تقدر تستوعب كمية اكبر من الدم فبيقوم الدم بالتحرك من الاعضاء الداخلية ذات الحرارة العالية الي الجلد علشان الدم يبرد عن طريق ملامسة الجلد للهواء والدم مبيرجعش داخل الجسم تاني الا لما يبرد ودا بيخلي الطائر فحالة كسل وخمول ويكون مش قادر يتحرك لان كمية الدم الموجودة فالقلب والمخ بتبقى قليلة وكمان لان الطائر بيتميز باتساع مساحة السطح للرئتين بالاضافة الي وجود  الاكياس الهوائية فبيحصل نهجان عالي فالفراخ علشان تسمح بدخول كمية اكبر من الهواء البارد الي الرئتين والاكياس الهوائية لخفض درجة حرارة الجسم وبيزيد معدل التنفس فالطائر الي اكثر من 100 مرة فالدقيقة اما المعدل الطبيعي بيكون من 20 ل 30 مرة والنهجان العالي دا بيسبب خروج كمية كبيرة من السوايل الموجودة فالدم فصورة بخار ماء فبيقل حجم الدم وبتزيد لزوجته فبتقل حركة الدم من الجلد الي داخل الجسم كالقلب والمخ.

ونتيجة للمجهود العالي اللي قام بيه الطائر عن طريق النهجان العالي وتحرك الدم لسطح الجلد بيحصل انخفاض سريع في درجة حرارة الطائر بمقدار 3 ْم تقريبا وده بيسبب ظاهرة فسيولوجية اخري اسمها  peripheral vasoconstriction بيحصل فيها انقباض وضيق فالشعيرات الدموية الموجودة علي سطح الجلد فالدم مبيوصلش للقلب والمخ وبيحصل صدمة shok للطائر وبيسبب نفوق مفاجئ في اعداد كبيرة من الدواجن خصوصا الاوزان العالية ولما نيجي نفحص النافق ونشرحه هنلاقي الجلد محتقن والدم متجلط فالاوعية الدموية والعرف مزرق. 


ان شاء الله نتكلم فالموضوع الجاي عن تأثير الاجهاد الحراري علي اوزان الفراخ وازاي نعالج المشكلة دي. 







ليست هناك تعليقات

يشرفنا مشاركة تعليقك علي الموضوع