- - - - - - - - - - -
اسعار الدواجن اليوم الاثنين 22 أبريل 2019
النوع السعر
سعر الابيض 29
سعر الساسو 40
الكتكوت الأبيض(أهالي) 7 - 11.5
الكتكوت الساسو 4.25 - 5
أسعار شركات الكتكوت الأبيض يوم الاثنين 22 أبريل 2019
بورصة بيض الدواجن يوم الاثنين 22 أبريل 2019
حمل التطبيق الجديد لبورصة الدواجن على الموبيل وتمتع بخدمة الاسعار المجانية

أخبار الموقع

الكتاكيت الساسو والبلدي المشعر والهجين والحر

 

علشان أي بيت مينفعش يستغني عن البيض  لان ليه قيمة غذائية عالية و بيدخل في عمل انواع كتيرة من الاكل  وكمان كان فيه اكتر من شخص سألني في التعليقات عن انواع الكتاكيت البلدي والفرق بين كل نوع منهم فحبيت اشرح للناس اللي متابعة معانا تفاصيل اكتر عن الموضوع ده .
عندنا كتاكيت ساسو جيل اول وساسو جيل تاني وبلدي حر وبلدي مشعر وبلدي هجين وهنوضح كل نوع لوحده دلوقتي

الساسو الجيل الاول :
 بيبقي نتيجة تزاوج ذكر جيل أول مع أنثي جيل أول
وزن الكتكوت عمر يوم 40 -42 جرام
الالوان موجود منه 5 الوان الاحمر وهو السائد - البني – البني بشريط علي الظهر – الرزي -  الاحمر الفاتح  والالوان بتبقي زاهية وواضحة يعني الاحمر احمر صافي مفيش الوان متداخلة والبني كذلك
أرجل الكتكوت ليست رفيعة
الكتكوت بياكل 4.5 كيلو علف خلال شهرين ويديني وزن الفرخة 2 كيلو لحم


الساسو الجيل الثاني :
 بيبقي نتيجة تزاوج ذكر جيل اول مع أنثي جيل تاني
وزن الكتكوت عمر يوم 35 جرام
الالوان زي الجيل الاول ولكن بتبقي باهتة جدا ومتداخلة يعني الاحمر هتلاقي معاه لون تاني بنسبة بسيطة
أرجل الكتكوت بتكون أرفع من الجيل الأول
الكتكوت بياكل 5 كيلو علف خلال 70 يوم علشان يديني فرخة وزنها حوالي 1.5  الي 1.750 كيلو

طبعا الجيل الاول بيتميز عن الجيل الثاني بان مناعته اقوي ومقاومته للامراض احسن وافضل فالتحويل واقل في الوفيات وسعره بيبقي اعلي من الساسو الجيل التاني  ولكن الساسو الجيل التاني بيكون مطلوب اكتر في البيع علشان الوانه كتيرة


البلدي الحر :
 بيبقي نتيجة تزاوج ذكر بلدي حر مع أنثي بلدي حر يعني بيور مفيش اي تهجين فيه
الوانه كتير جدا وعلشان تعرف ان دا بلدي حر لو انت منزل مثلا 1000 كتكوت هتلاقي فيهم 15 – 20%  برقبة او بيسموه  شركسي
الكتكوت بياكل كيلو علف واحد خلال 35 يوم ويديني فرخ وزنه 150 الي 200 جرام


وبعدين تم انتاج كتاكيت هجينة من تزاوج الدجاج الساسو مع الدجاج البلدي علشان يحسنو في الصفات الوراثية للكتكوت وينتج لحم وبيض اكتر وتكون مناعته أقوي ومقاومته للامراض افضل فظهر نوعين من الكتاكيت 

1- البلدي المشعر عن طريق تزاوج ذكر ساسو  مع انثي بلدي حر والكتكوت الوانه كتير ومطلوب اوي من السريحة و بيستهلك كيلو علف واحد خلال 35 يوم علشان يديني وزن الفرخ 300 جرام

2- البلدي الهجين عن طريق تزاوج ذكر ساسو مع انثي بلدي مشعر والكتكوت وزنه عمر يوم 25 جرام والوانه كتيرة جدا وداخلة في بعضها ورجليه رفيعة وشكلها يزعل بياكل كيلو علف في 35 يوم ويوصل وزن الفرخ 400 جرام


ملحوظة :
الافضل في التربية الاقتصادية الساسو جيل اول ثم الجيل الثاني والافضل في التربية المنزلية هو الهجين والمشعر والحر.

لحم الفراخ الساسو بيكون طعمه حلو جدا زي الفراخ البلدي بالاضافه الي ان وزنه اكبر .





ليست هناك تعليقات

يشرفنا مشاركة تعليقك علي الموضوع